అక్కినేని నాగ చైతన్య, అందాల భామ సాయి పల్లవి జంటగా నటించిన తాజా సినిమా ‘తండేల్’ కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు చందూ మొండేటి డైరెక్ట్ చేయగా పూర్తి రొమాంటిక్ యాక్షన్ ఎంటర్‌టైనర్‌గా ఈ మూవీ ప్రేక్షకులను ఆకట్టుకోనుంది. ఇక ఈ సినిమా నుంచి థియేట్రికల్ ట్రైలర్‌ను విడుదల చేయగా, దానికి ప్రేక్షకుల నుంచి ట్రెమండస్ రెస్పాన్స్ అందింది.
పీరియాడిక్ కథ నేపథ్యంలో సాగే ఈ సినిమాలో ఓ చక్కటి లవ్ స్టోరీ మనకు చూపెట్టబోతున్నట్లు ఈ ట్రైలర్ చూస్తే తెలిసిపోతుంది. ఇక ఈ సినిమాను కేవలం తెలుగులోనే కాకుండా ఇతర భాషల్లోనూ విడుదల చేసేందుకు చిత్ర యూనిట్ సిద్దంగా ఉంది. ఈ క్రమంలోనే ‘తండేల్’ చిత్రానికి సంబంధించిన తమిళ ట్రైలర్‌ను జనవరి 30న సాయంత్రం 6 గంటలకు స్టార్ హీరో కార్తీ చేతుల మీదుగా లాంచ్ చేశారు.
దీంతో తమిళ్‌లో కూడా తండేల్ మూవీపై బజ్ క్రియేట్ అవుతుంది.
