ఇండియన్ సినిమాల్లో లేటెస్ట్‌గా అందరి దృష్టిని ఆకర్షిస్తున్న ఎపిక్ ప్రాజెక్ట్ ఏదైనా ఉందంటే అది బాలీవుడ్‌లో రాబోతున్న భారీ చిత్రం రామాయణే అనే చెప్పాలి. అగ్ర నిర్మాతలు నిర్మిస్తున్న ఈ సినిమా పాన్ ఇండియా స్థాయిలో తెరకెక్కుతోంది. ముఖ్యంగా ఈ సినిమా కోసం సెలెక్ట్ చేసిన తారాగణం గురించి ఇప్పుడే పెద్ద చర్చ జరుగుతోంది.
రామ్ పాత్రలో రణబీర్ కపూర్ నటిస్తుండగా, రావణుడిగా యష్ పాత్ర కోసం సిద్ధమవుతున్నారు. సీత పాత్రకు సాయి పల్లవిని తీసుకోవడం కూడా ఎంతో ఆసక్తిని కలిగిస్తోంది. ఇప్పుడు ఇదంతా ఓ పక్క అయితే, మరోవైపు ఈ సినిమాలో కాజల్ అగర్వాల్ కూడా నటించనుందని సమాచారం బయటకు వచ్చింది.
ఇంతవరకూ కాజల్ పాత్రపై క్లారిటీ రాలేదుగానీ, ఆమె రావణుని భార్యగా కనిపించనున్నట్టు టాక్ ఉంది. ఈ రూమర్ వెలుగులోకి వచ్చిన తరువాత సాయి పల్లవి – కాజల్ మధ్య పాత్రల పోలికలపై సోషల్ మీడియాలో చర్చ మొదలైంది. ముందుగా సాయి పల్లవి ఎంపికపై ఎలాంటి కామెంట్స్ రాలేదు కానీ కాజల్ పేరు బయటకు వచ్చిన దగ్గర నుంచి ‘ఎందుకు ఆమె కాదు, ఈమెనే ఎందుకు’ అనే డిస్కషన్లు మొదలయ్యాయి.
ఇప్పుడు ఈ ఇద్దరు నటి పాత్రలు స్క్రీన్ మీద ఎలా ఉంటాయో చూడాలంటే సినిమా రిలీజ్‌ వరకు ఆగాల్సిందే. కానీ ఇప్పటి వరకు బయటకు వచ్చిన లుక్‌లు, కాస్టింగ్ డిటైల్స్ బట్టి చూసుకుంటే ఈ రామాయణ వెర్షన్ సినీ ప్రేమికులకు మరిచిపోలేని అనుభూతిని ఇచ్చేలా ఉంది.
