యంగ్ హీరో కిరణ్ అబ్బవరం ప్రస్తుతం వరుసగా సినిమాలతో దూసుకెళ్తున్నాడు. ఈ మధ్యకాలంలో ఎక్కువగా యూత్ అండ్ మాస్ ఆడియెన్స్‌ను టార్గెట్ చేస్తూ సినిమాలు చేస్తుండగా, ఇప్పుడు మరో ఆసక్తికర ప్రాజెక్ట్‌లో నటిస్తున్నాడు. ఆ సినిమా పేరే కె-ర్యాంప్. ఈ మూవీ షూటింగ్ కూడా చాలా వేగంగా జరుగుతోందట. ఇక ఈ చిత్రానికి సంబంధించిన ఫస్ట్ లుక్ పోస్టర్‌ను తాజాగా విడుదల చేశారు.
ఈ పోస్టర్‌లో కిరణ్ అబ్బవరం లుంగీ వేసుకుని చాలా సాదాసీదా లుక్‌లో కనిపించాడు. ఈ లుక్ చూస్తేనే సినిమాలో మాస్ టచ్ ఉండబోతుందనిపిస్తోంది. అందరికీ అర్థమయ్యే విధంగా కథను చెప్పేందుకు ప్రయత్నిస్తున్నారని చిత్రబృందం చెబుతోంది. కామెడీ, ఎమోషన్, మాస్ అంశాలు అన్నీ కలిపి మంచి ఎంటర్‌టైనర్‌ను అందించబోతున్నట్లు తెలుస్తోంది.
ఈ సినిమాలో హీరోయిన్‌గా యుక్తి తరేజా నటిస్తోంది. ఆమె ఇప్పటికే పలు సినిమాలతో మంచి గుర్తింపు తెచ్చుకుంది. ఈ చిత్రాన్ని జెయిన్స్ నాని దర్శకత్వం వహిస్తుండగా, సంగీతాన్ని చైతన్ భరద్వాజ్ అందిస్తున్నారు. నిర్మాతలుగా రాజేష్ దండ, శివ బొమ్మక్ కలిసి పని చేస్తున్నారు. ఈ సినిమాను దీపావళి సందర్భంగా థియేటర్లలో విడుదల చేయాలని ప్లాన్ చేస్తున్నారు.
సాధారణంగా యువతను ఆకట్టుకునే సినిమాలు చేస్తూ ఓ మంచి మార్కెట్ సెట్ చేసుకున్న కిరణ్ అబ్బవరం ఈ మూవీతో ఇంకొంచెం స్టెప్ అప్ అయ్యే అవకాశం ఉంది. కొత్తగా ట్రై చేస్తున్న కథా శైలి, సరదా ఎలిమెంట్స్ ప్రేక్షకులను ఖచ్చితంగా కనెక్ట్ అయ్యేలా చేస్తాయని టీమ్ భావిస్తోంది.
