మాస్ కా దాస్ విశ్వ‌క్ సేన్ తాజాగా త‌న కొత్త సినిమా ‘లైలా’ ను పూజా కార్య‌క్ర‌మాల‌తో ప్రారంభించిన విషయం తెలిసిందే. ఈ సినిమాలో విశ్వ‌క్ తొలిసారి ఓ లేడీ గెటప్ లో కనిపించి మెప్పించబోతున్నాడు. దీంతో ఈ సినిమాలో ఆయ‌న లుక్స్ ప‌రంగా ఎలా ఉండ‌బోతున్నాడా అని అభిమానులు ఎంతో ఆస‌క్తిగా చూస్తున్నారు.
అయితే, రీసెంట్ గా విశ్వ‌క్ త‌న ఇన్స్టా అకౌంట్ ను డియాక్టివేట్ చేశాడన్న సంగతి తెలిసిందే. ఆయ‌న ఇన్స్టాగ్రామ్ అకౌంట్ ఎందుకు డియాక్టివేట్ చేశాడా అని అభిమానులు ఆందోళ‌న చెందుతున్నారు. ఈ క్ర‌మంలో త‌న అభిమానుల‌కు ఓ క్లారిటీ ఇచ్చాడు ఈ స్టార్ నటుడు.
”గ‌తకొద్ది రోజులుగా నా ఇన్ట్సా అకౌంట్ ను ఎందుకు డియాక్టివేట్ చేశాను అని అభిమానుల నుండి చాలా మెసేజ్ లు వ‌స్తున్నాయి.. నేను కొద్దిరోజులు సోషల్ మీడియాకు దూరంగా ఉండాల‌ని నిర్ణ‌యించుకున్నాను. నాకు ఏదో హాని జ‌రుగుతుంద‌ని ఈ నిర్ణ‌యం తీసుకో లేదు. ఇందులో భాగంగా నా ఇన్ట్సాను డియాక్టివేట్ చేశాను. నా ట్విట్ట‌ర్ హ్యాండిల్ ని కూడా నా టీమ్ నే చూసుకుంటుంది. సోషల్ మీడియాలో ఉంటేనే లైఫ్‌ ముందుకు వెళ్తుందని అనుకోవద్దు.. అందుకే ఈ సోషల్ మీడియాను ఎక్కువగా జీవితంలో భాగం చేయకండి. నేను నా తరువాత సినిమా తరువాత తిరిగి సోషల్ మీడియాలోకి వస్తే రావచ్చు..లేకపోతే లేదు.” అంటూ విశ్వ‌క్ ఓ క్లారిటీ ఇచ్చాడు.
