తెలుగు చిత్ర సీమలో తెరకెక్కుతున్న క్రేజీ ప్రాజెక్టులలో దర్శకుడు శేఖర్ కమ్ముల దర్శకత్వం వహిస్తున్న ‘కుబేర’ సినిమా కూడా ఒకటి. ఈ సినిమాలో స్టార్ హీరో అక్కినేని నాగార్జున, తమిళ స్టార్ హీరో ధనుష్, నేషనల్ క్రష్ రష్మిక నటిస్తుండటంతో ఈ సినిమాపై భారీ అంచనాలు క్రియేట్ అయ్యాయి. ఇక ఇప్పటికే విడుదలైన ఈ మూవీ ఫస్ట్ లుక్ పోస్టర్స్‌తో ఈ మూవీ పాజిటివ్ బజ్‌ను క్రియేట్ చేస్తుంది.
శేఖర్ కమ్ముల సినిమా అంటేనే అభిమానుల్లో గ్యారెంటీ హిట్ అనే ఫీల్ ఏర్పడిన సంగతి తెలిసిందే. ఇప్పుడు ఇంతమంది స్టార్స్ నటిస్తున్న సినిమా కావడంతో, ఈ సినిమా కూడా గ్యారెంటీ సూపర్‌ హిట్ అని వారు ఫిక్స్ అయిపోయారు. ఇక తాజాగా ఈ సినిమా నుంచి మరో అప్డేట్ అయితే తాజాగా బయటకు వచ్చింది. బాలీవుడ్‌లో వెరైటీ పాత్రలు చేస్తూ తనకంటూ ప్రత్యేకమైన ఇమేజ్ ని సొంతం చేసుకున్న యాక్టర్‌ జిమ్ సర్బ్ పుట్టినరోజు సందర్భంగా, ఆయనకు సంబంధించిన ఫస్ట్ లుక్ పోస్టర్‌ను తాజాగా మూవీ టీమ్ విడుదల చేశారు.
నోట్ల కట్ట మధ్య ఆయన స్టైల్‌గా నిల్చున్న ఈ పోస్టర్ ప్రేక్షకుల్లో సినిమాపై మరింత ఆసక్తిని పెంచుతుంది. పాన్ ఇండియా చిత్రంగా ‘కుబేర’ భారీ విడుదలకు రెడీ అవుతుంది.
