బాలీవుడ్‌ బ్యూటీ జాన్వీ కపూర్‌ టాలీవుడ్ లో సాలిడ్‌ ఎంట్రీ ఇచ్చేందుకు రెడీ అయిపోయింది. మ్యాన్ ఆఫ్ మాసెస్ జూ.ఎన్టీఆర్ హీరోగా తెరకెక్కుతోన్న ‘దేవర’ సినిమాలో హీరోయిన్‌గా ఈ బ్యూటీ తన సత్తా చాటేందుకు త్వరలోనే రాబోతుంది. దర్శకుడు కొరటాల శివ డైరెక్షన్‌లో వస్తోన్న ఈ సినిమాలో అమ్మడు తన నటనతో పాటు గ్లామర్ డోస్‌తో ఆడియెన్స్‌ను ఉక్కిరిబిక్కిరి చేసేందుకు రెడీ అయిపోతుంది. ఇక ఈ సినిమా నుంచి ఇటీవల ‘చుట్టమల్లె’ అనే రొమాంటిక్ సాంగ్‌ను విడుదల చేశారు మూవీ మేకర్స్‌.
ఈ పాటను రొమాంటిక్ మెలోడీగా చిత్ర యూనిట్ ప్రెజెంట్ చేయబోతుంది. ఈ పాటలో జాన్వీ తన అందాలతో కుర్రకారును ఆకట్టుకుంటోంది. ఈ పాట విడుదల అయ్యి రోజులు గడుస్తున్నా యువత ఈ పాటకు అట్రాక్ట్ అయ్యి అదే మేనియాలో ఊగిసలాడుతున్నారు. అటు జాన్వీ కూడా ఈ పాటకు బాగా అడిక్ట్ అయ్యినట్లు తెలుస్తుంది. ఆమె తన సోషల్ మీడియాలో రోజూ ఈ పాటకు సంబంధించి ఏదో ఒక విషయాన్ని రివీల్ చేస్తూ అభిమానులను అలరిస్తోంది.
తాజాగా ఈ పాట హిందీ వర్షెన్‌కి అమ్మడు ఓ రీల్ చేసి తన ఇన్‌స్టా లో పోస్ట్ చేసింది. ఈ రీల్‌కి అభిమానులు ఫ్లాట్‌ అయిపోతున్నారు. తన అందంతో అభిమానుల గుండెల్ని చుట్టేస్తోంది అంటూ నెటిజన్లు కామెంట్లు పెడుతున్నారు. ఇక దేవర చిత్రాన్ని సెప్టెంబర్ 27న ప్రపంచవ్యాప్తంగా గ్రాండ్ గా విడుదల చేసేందుకు మూవీమేకర్స్ రెడీ అవుతున్నారు.
