అల్లు శిరీష్ హీరోగా బడ్డీ అనే సినిమా ప్రేక్షకుల ముందుకు వచ్చిన సంగతి తెలిసిందే. తమిళంలో సూపర్ హిట్ గా నిలిచిన టెడ్డీ అనే సినిమాకి దీన్ని రీమేక్ గా తీర్చిదిద్దారు. కానీ కథలో కొన్ని మార్పులు చేర్పులు చేసి ప్రేక్షకులు ముందుకు తీసుకొచ్చారు. ఇక ఈ సినిమాకి ప్రేక్షకుల నుంచి మిశ్రమ స్పందని వస్తుంది.
ఆల్రెడీ చూసేసిన సినిమానే మళ్లీ చూపించారని కొందరు అంటుంటే లాజిక్ లెస్ గా అనిపించిందని కొందరు చెప్పుకొస్తున్నారు. ఆ సంగతి పక్కన పెడితే ఈ సినిమా విషయంలో కొన్ని సీన్లు మాత్రం ప్రేక్షకుల వద్ద గట్టిగా పేలాయి. ముఖ్యంగా తెలుగు సినిమాలను అనుసరిస్తూ కొన్ని సీన్లు చేశారు అవి అదిరిపోయాయి. ఇక ఒక మెషిన్ గన్ వాడుతున్న సమయంలో నందమూరి బాలకృష్ణ పేరు తలుచుకుంటూ మూసేసిన ప్రతి పబ్ ముందు వినబడే ఏకైక పాట జై బాలయ్య అంటూ టెడ్డీబేర్ తోటి మెషిన్ గన్ ఆపరేట్ చేయించిన విధానం సూపర్ గా ఉంది.
ముఖ్యంగా ఆ సీన్ పడినప్పుడైతే థియేటర్లో మంచి రెస్పాన్స్ లభించింది. అల్లు హీరో సినిమాలో జై బాలయ్య డైలాగులు అదిరిపోయాయంటూ సోషల్ మీడియాలో కూడా సూపర్ కామెంట్లు వినిపిస్తున్నాయి. ఈ సినిమాలో అల్లు శిరీష్ హీరోగా గాయత్రి భరద్వాజ్ ప్రిషా సింగ్ హీరోయిన్లుగా శ్యామ్ ఆంటోనీ దర్శకత్వం వహించాడు. స్టూడియో గ్రీన్ బ్యానర్ మీద జ్ఞానవేల్ రాజా నిర్మించిన ఈ సినిమా ఆగస్టు రెండో తేదీన ప్రేక్షకుల ముందుకు వచ్చిన సంగతి తెలిసిందే.
