యంగ్‌ రెబల్‌ స్టార్‌ ప్రభాస్‌ హీరోగా నటించి సూపర్‌ హిట్‌ ని అందుకున్న చిత్రం సలార్ మూవీ. ఈ సినిమాని హోంబలె ఫిలిమ్స్ సంస్థ పై ప్రతిష్టాత్మకంగా నిర్మించారు. ఈ చిత్రంలో శృతి హాసన్‌ హీరోయిన్‌ గా నటించిన సంగతి తెలిసిందే. ఈ సినిమాలో రాజమన్నార్‌ అనే కీలక పాత్రలో జగపతి బాబు తన సూపర్‌ పెర్ఫార్మన్స్‌ తో ప్రేక్షకులను ఆకట్టుకున్న విషయం తెలిసిందే.
తాజాగా జగపతి బాబు ఓ ఇంటర్వ్యూలో పాల్గొన్నారు.ఈ క్రమంలో ఆయన సలార్ 2 గురించి ప్రస్తావించారు. సలార్ 2 పార్ట్‌ 1 ని మించి ఉంటుందని అన్నారు. ఈ సినిమాలో ప్రభాస్‌ కు తనకి మధ్య బోలేడు సన్నివేశాలుంటాయని .. అవి కూడా భారీ సన్నివేశాలని ఆయన వివరించారు.
ఆ మ్యాజిక్‌ ని ఆడియెన్స్‌ ఎంతో ఎంజాయ్ చేస్తారని ఈ సందర్భంగా జగ్గుభాయ్‌ అన్నారు. ఇప్పటికే ఈ సినిమా షూటింగ్‌ సగం వరకు అయ్యిందని … మిగిలిన సన్నివేశాలను ఈ ఏడాది చివర్లో ప్రారంభిస్తామని ఆయన తెలిపారు. సలార్ 2 సినిమా వచ్చే ఏడాది చివర్లో విడుదల అయ్యే అవకాశాలున్నట్లు తెలిపారు.
