మాస్ మహారాజా గా పేరు తెచ్చుకున్న టాలీవుడ్‌ హీరో రవితేజ ప్రస్తుతం హరీష్ శంకర్ కాంబోలో మిస్టర్ బచ్చన్ అనే సినిమా చేస్తున్నాడు. ఇక ఈ సినిమాని ఆగస్టు 15న విడుదల చేయబోతున్న నేపథ్యంలో ప్రమోషన్స్ వేగం పెంచింది చిత్ర బృందం. అందులో భాగంగానే ఈ సినిమా నుంచి సెకండ్ సింగిల్ రెప్పల్ డప్పుల్ అనే సాంగ్ ని విడుదల చేశారు. ఫస్ట్ సింగిల్ కి ఈ సాంగ్ కి చాలా వ్యత్యాసం కనిపిస్తోంది.
ఇక ఈ సాంగ్ ని పరిశీలిస్తే పూర్తిస్థాయి మాస్ మసాలా సాంగ్ లా కనిపిస్తోంది. ఒక పక్క మ్యూజిక్ కంపోజిషన్ కానీ ట్యూన్ లో ఉన్న వేరియేషన్స్ కానీ ఒక మాస్ చార్ట్ బస్టర్గా నిలిచేలా మ్యూజిక్ అందించాడు మిక్కీ జే మేయర్. అనురాగ్ కులకర్ణి, మంగ్లీ తమదైన వాయిస్ తో ఈ సాంగ్ కి మరింత ప్రాణం పోసినట్లు తెలుస్తుంది.
మోస్ట్ హపెనింగ్ లిరిసిస్ట్ కాసర్ల శ్యామ్ ఆసక్తికరమైన లిరిక్స్ అందించిన ఈ సాంగ్ మాస్ ఆడియన్స్ కి బాగా కనెక్ట్ అయ్యేలా తెలుస్తుంది. అంతేకాదు మామూలుగానే రవితేజ అంటే ఎనర్జీకి కేరాఫ్ అడ్రస్. రవితేజ ఎనర్జీని మ్యాచ్ చేసేలా భాగ్యశ్రీ స్టెప్పులు కూడా ఈ పాటలో కనిపిస్తున్నాయి. లిరికల్ వీడియో అయినా కొన్ని డాన్స్ స్టెప్స్ ని మాత్రం ప్రేక్షకులకు లీక్ లాగా విడుదల చేశారు మేకర్స్.
మొత్తం మీద భాగ్యశ్రీ తనదైన మాస్ స్టెప్పులతో పాటు గ్లామర్ తో ఆకట్టుకుంటుందని చెప్పకనే చెప్పేశారు.
