ఎన్టీఆర్-నెల్సన్ సినిమాపై క్లారిటీ ఇదేనా! మ్యాన్ ఆఫ్ మాసెస్ ఎన్టీఆర్ – డైరెక్టర్ నెల్సన్ కలయికలో సినిమా రాబోతుంది అనగానే.. ఈ సినిమా పై భారీగా బజ్ క్రియేట్‌ అయ్యింది. పైగా ఇప్పటికే ఈ సినిమా పై ఎన్నో రూమర్స్ వైరల్ గా అవుతున్నాయి.
ఈ నేపథ్యంలో ఈ సినిమా నిర్మాత నాగవంశీ తన తాజా ఇంటర్వ్యూలో ఓ క్లారిటీ తీసుకొచ్చారు ‘నెల్సన్ – ఎన్టీఆర్ గారి సినిమా కథ పై ఇంకా ఎలాంటి క్లారిటీ లేదని.. కేవలం ఎన్టీఆర్ గారితో సినిమా చేయాలని నెల్సన్, మేం ఓ మాట అనుకున్నాం అని, హీరోగారితో నెల్సన్ కి ఒక మీటింగ్ మాత్రమే జరిగింది’ అని ఆయన చెప్పారు.
ప్రస్తుతం నెల్సన్ కథను రాస్తున్నారని.. ‘వార్ 2’ పూర్తి అయ్యాక, ఎన్టీఆర్ కి నెల్సన్ కథ వినిపిస్తారని.. కథ నచ్చితే కనుక షూటింగ్ గురించి, ఆ సినిమాని ఎలా లాంచ్ చేయాలి, ఏ రేంజ్ లో ప్లాన్ చేయాలి వంటి అంశాల గురించి ఆలోచించనున్నట్లు నాగవంశీ వివరించారు. తమిళంలో బీస్ట్, జైలర్ వంటి బ్లాక్‌బస్టర్ చిత్రాలను రూపొందించిన నెల్సన్, ఎన్టీఆర్ తో సినిమా చేస్తే మాత్రం ఫ్యాన్స్ కి ఫుల్ ఖుషినే. మరి ఈ కాంబో ఎప్పుడు సెట్స్ పైకి వెళ్తుందో చూడాలి. ప్రస్తుతం తారక్ ‘వార్-2’ మూవీ షూటింగ్ లో బిజీగా ఉన్నాడు.
