ప్రస్తుతం పాన్ ఇండియా బాక్సాఫీస్ మీద దండయాత్రకు వస్తున్న తాజా చిత్రం ఏదన్నా ఉంది అంటే అది కోలీవుడ్ నటుడు నడిప్పిన్ నాయగన్ సూర్య యాక్ట్‌ చేసిన “కంగువా” కూడా ఒకటి. మరి దర్శకుడు శివ తెరకెక్కించిన ఈ భారీ సినిమా పాన్ ఇండియా లెవెల్లో గ్రాండ్ ప్రమోషన్స్ చేసుకుంటూ దూసుకెళ్తుంది.
అయితే అంతా బాగానే ఉంది కానీ సినిమాపై ఉన్న బజ్‌ కచ్చితంగా ఇంకా పెరగాల్సి ఉందని చెప్పాలి. ఈ చిత్రం నుంచి ఇప్పటికే చాలా ముందు ఒక్క ట్రైలర్ ని మేకర్స్ విడుదల చేసిన సంగతి తెలిసిందే. అక్కడ నుంచి కేవలం పాటలు కొన్ని ప్రోమోలు మాత్రమే విడుదల చేస్తూ వచ్చారు.
అయితే వీటిని మించి రెండో ట్రైలర్ కోసం మాత్రం మేకర్స్ నుంచి ఇంకా ఎలాంటి చప్పుడు లేకపోవడం గమనార్హం. ఈ తరహా సినిమాలకి రెండో ట్రైలర్ కూడా చాలా ముఖ్యం. మొదటి ట్రైలర్ నే ఎప్పుడో ఇచ్చారు. అక్కడ నుంచి ఆ ఒక్క ట్రైలర్ మాత్రమే ఆడియెన్స్ కి తెలిసింది. మరి కంగువా పై మరింత ఇంట్రెస్ట్ రావాలి అంటే డెఫినెట్ గా రెండో ట్రైలర్ కూడా వదిలితేనే ఆడియెన్స్ మరికాస్త ఆసక్తి చూపే అవకాశం ఉంది. లేదు అంటే ఉన్న ఆసక్తి కూడా ముందు రోజుల్లో సన్నగిల్లే అవకాశాలు ఉన్నాయి.
