యంగ్‌ టైగర్‌ ఎన్టీఆర్ ప్రస్తుతం దేవర సినిమా షూటింగ్ లో ఫుల్ బిజీగా ఉన్నాడు. ఈ సినిమా షూటింగ్ ను త్వరగా పూర్తి చేసేందుకు చిత్ర బృందం ప్రయత్నిస్తుంది. దేవర చిత్రం అక్టోబర్ 10న ప్రేక్షకుల ముందుకు రానున్నట్లు ఇదివరకే చిత్ర బృందం ప్రకటించింది. అదే విధంగా బాలీవుడ్ హృతిక్ రోషన్ తో కలిసి వార్ 2 సినిమా కూడా చేస్తున్నాడు. ఆ సినిమా ఇటీవలే షూటింగ్ మొదలు పెట్టింది. ఈ రెండు సినిమాలు అవ్వగానే ప్రశాంత్ నీల్ తో ఓ సినిమా చెయ్యబోతున్నాడు.
ఆ సినిమా గురించి గత కొన్ని రోజులుగా వార్తలు వినిపిస్తున్నాయి. ఎన్టీఆర్ 31 పేరిట మొదలుకానున్న ఈ చిత్రంపై బొలేడు అంచనాలు నెలకొన్నాయి. తాజాగా ఈ సినిమా గురించి ఓ క్రేజీ వార్త వైరల్ అవుతోంది. ఈ సినిమా టైటిల్ ఇదే అంటూ ఓ వార్త చక్కర్లు కొడుతుంది.. మే 20 న ఎన్టీఆర్ పుట్టినరోజు సందర్బంగా ఈ సినిమా టైటిల్ ను అనౌన్స్ చెయ్యనున్నట్లు సమాచారం. ఈ సినిమాకి ‘డ్రాగన్’ అనే పవర్ ఫుల్ టైటిల్ పెట్టినట్లు టాక్‌.
ఇప్పటివరకూ తన చిత్రాలన్నింటికీ కాస్త వెరైటీ టైటిల్స్‌యే పెట్టారు నీల్. కేజీఎఫ్, సలార్ ఇలా ఈ పేర్లను పెట్టారు. అలాగే డ్రాగన్ అనే పేరుకు సినిమా స్టోరికి ఏదైనా లింక్ ఉందా అనేది వేచి చూడాల్సిందే. ఈ వార్త ప్రస్తుతం సోషల్ మీడియాలో చక్కర్లు కొడుతుంది. ఎన్టీఆర్ ఫ్యాన్స్ ఈ టైటిల్ ని విని ఫుల్ ఖుషి అవుతున్నారు.
