టాలీవుడ్ మ్యాజికల్ డైరెక్టర్‌ శేఖర్ కమ్ముల తన సినిమా సినిమాకి ఎంత గ్యాప్ తీసుకుంటారు అనేది ప్రత్యేకంగా చెప్పాల్సిన పని లేదు. అలాగే గత కొన్నేళ్ల క్రితం చేసిన “లవ్ స్టోరీ” తర్వాత కోలీవుడ్ వెర్సటైల్ హీరో ధనుష్ తో “కుబేర” అనే సినిమా ప్రకటించి మంచి బజ్ క్రియేట్‌ చేశారు.
తెలుగు, తమిళ భాషల్లో ఒకేసారి ప్లాన్ చేసిన ఈ మూవీపై మంచి అంచనాలు ఉన్నాయి. కానీ ఈ సినిమా స్టార్ట్ చేసి ఇన్నేళ్లు అయ్యినప్పటికీ ఇంకా విడుదల ఎప్పుడు అనేది మాత్రం ఇంకా క్లారిటీ లేదు. ఈ గ్యాప్ లోనే ధనుష్ నుంచి “సార్”, “రాయన్” అనే రెండు సినిమాలు వచ్చి మంచి విజయాన్ని కూడా అందుకున్నాయి. ఇక నెక్స్ట్ “ఇడ్లీ కడై” అంటూ మూడో సినిమా విడుదల తేదీని కూడా మేకర్స్ రీసెంట్ గానే ప్రకటించారు. కానీ కుబేర డేట్ పై మాత్రం ఏ సమాచారం లేదు.
అయితే లేటెస్ట్ సమాచారం ప్రకారం కుబేర డేట్ ని లాక్ చేసినట్టుగా తెలుస్తుంది. దీని ప్రకారం మేకర్స్ ఈ చిత్రాన్ని ఈ ఏడాది జూన్ 20 కి షిఫ్ట్ చేసినట్టుగా సమాచారం. మరి దీనిపై అధికారిక క్లారిటీ రావాల్సి ఉంది.
