దర్శకధీరుడు రాజమౌళి – మహేష్ బాబు సినిమా ఎప్పుడు స్టార్ట్ అవుతుంది ? అంటూ మహేష్ ఫ్యాన్స్ ఎంతో ఆసక్తిగా ఎదురు చూస్తున్నారు. ఈ నేపథ్యంలో దర్శకనిర్మాత తమ్మారెడ్డి భరద్వాజ ఓ ఇంటర్వ్యూలో ఈ భారీ ప్రాజెక్ట్‌ గురించి పలు ఆసక్తికర కామెంట్లు చేశారు.
ఇంతకీ, తమ్మారెడ్డి భరద్వాజ ఏం అన్నారంటే.. ‘మహేశ్‌ బాబు – రాజమౌళి సినిమా బడ్జెట్‌ కచ్చితంగా రూ.1000 కోట్లు దాటే అవకాశాలున్నాయని తెలిపారు. అలాగే, ఈ చిత్రంలో ఇంటర్నేషనల్‌ ఆర్టిస్టులు కూడా నటించబోతున్నారు.
కాబట్టి, ఈ సినిమా బిజినెస్‌ మినిమమ్ రూ.2000 కోట్లు దాటొచ్చని చిత్ర బృందం అంచనా వేస్తోంది. అంతకుమించి ఎంతైనా వసూలు చేసే అవకాశం ఉంది. ఆ నంబర్‌ రూ.3, 4 వేల కోట్ల వరకు కూడా వెళ్లే అవకాశాలున్నాయి. అదే జరిగితే.. తెలుగు సినిమాలోనే కాదు.. భారతదేశ సినీరంగంలోనే ఈ చిత్రం చరిత్ర అవుతుంది’ అంటూ తమ్మారెడ్డి భరద్వాజ చెప్పుకొచ్చారు.
కాగా కొద్ది రోజుల క్రితం రచయిత విజయేంద్రప్రసాద్‌ ఈ సినిమా స్టోరి గురించి ఓ ఇంటర్వ్యూలో మాట్లాడుతూ.. ‘నేను, రాజమౌళి ఇద్దరం దక్షిణాఫ్రికా నవలా రచయిత విల్బర్‌ స్మిత్‌ కు అభిమానులం. అందుకే ఆయన పుస్తకాల ఆధారంగానే ఈ సినిమా కథను సిద్దం చేశాను’ అంటూ చెప్పుకొచ్చారు. కాబట్టి రాజమౌళి – మహేష్ సినిమా ఒక అడ్వెంచర్ థ్రిల్లర్‌ గా ఉంటుందని చెప్పుకొవచ్చు.
