టాలీవుడ్ రౌడీ స్టార్ విజయ్ దేవరకొండ హీరోగా నటించిన రీసెంట్ చిత్రం “ది ఫ్యామిలీ స్టార్” అనుకున్న రేంజ్ సక్సెస్ ని అందుకోలేకపోయింది. అయితే ఆ సినిమా తర్వాత తాను తన 12వ చిత్రాన్ని దర్శకుడు గౌతమ్ తిన్ననూరితో చేయబోతున్న సంగతి తెలిసిందే. మరి ఈ సినిమా విడుదల కోసం అభిమానులు ఎంతో ఆసక్తిగా ఎదురు చూస్తున్న నేపథ్యంలో విజయ్ లుక్ ఒకటి లీక్ అయ్యి ఇంటర్నెట్ ని షేక్‌ చేసిన సంగతి తెలిసిందే. ఇలా మరోసారి విజయ్ టాలీవుడ్ హాట్‌ టాపిక్‌ గా మారాడు.
అయితే ఈ మూవీ మొదటి నుంచి హీరోయిన్ విషయంలో మంచి సస్పెన్స్ గానే ఉంది. ఇప్పుడు ఫైనల్ గా ఈ సినిమాలో అయితే లేటెస్ట్ యంగ్ బ్యూటీ ఫిక్స్ అయ్యినట్టుగా తెలుస్తుంది. మరి ఆమెనే ప్రస్తుతం మాస్ మహారాజ రవితేజ “మిస్టర్ బచ్చన్” సినిమాలో నటిస్తున్న భాగ్యశ్రీ బోర్స్ నటిస్తున్నట్టుగా టాక్‌. ప్రస్తుతం శ్రీలంక లో షూటింగ్ స్పాట్ నుంచి ఓ పిక్ అయితే వైరల్ అవుతుంది. దీంతో ఈమె ఈ సినిమాలో ఉన్నట్టుగా కన్ఫర్మ్ అయ్యింది.
