వచ్చే సంక్రాంతి బరిలో ఆల్రెడి పలు చిత్రాలు తెలుగు చిత్ర సీమ నుంచి రెడీగా ఉన్న సంగతి తెలిసిందే. అలాగే ఈ సినిమాల్లో సీనియర్ నటులు నందమూరి నటసింహం బాలయ్య అలాగే వెంకీ మామ కూడా ఉన్నారు.
మరి వీరి నుంచి “డాకు మహారాజ్”, “సంక్రాంతికి వస్తున్నాం” అనే సినిమాలు వస్తుండగా రెండు సినిమాలు కూడా శరవేగంగా పనులు పూర్తి చేసుకుంటున్నాయి.అయితే ఈ రెండు సినిమాలు రెండు డిఫరెంట్ బ్యానర్స్ నుంచి వస్తుండగా బాలయ్య సినిమాని యువ నిర్మాత నాగవంశీ తెరకెక్కిస్తుండగా వెంకీ మామ సినిమాని దిల్ రాజు నిర్మిస్తున్నారు.
మరి దిల్ రాజు అండ్ వెంకీ మామకి నాగ వంశీ పెట్టిన పోస్ట్ ఇపుడు వైరల్ అవుతుంది. సంక్రాంతికి వస్తున్నాం సినిమాకి మా బెస్ట్ విషెస్ తెలుపుతున్నాను అని అలాగే లాస్ట్ టైం రెండు క్లాష్ లు చూసాం ఇపుడు హ్యాట్రిక్ కొడదాం అన్నట్టుగా క్రేజీ పోస్ట్ ని సూర్య దేవర నాగవంశీ పోస్ట్ చేశాడు.
దీంతో ఈ ఇంట్రెస్టింగ్ క్లాష్ విషయంలో నిర్మాతల నుంచి ఇలాంటి స్పిరిట్ తో కూడిన పోస్ట్ లు పడితే ఇలాంటి క్లాష్ ల సమయంలో రిలీజ్ లు సజావుగా ఉంటాయని చెప్పొచ్చు.
