టాలీవుడ్ స్టార్ మహేష్ బాబు నటిస్తున్న 29వ చిత్రం గురించి ఇప్పటికే భారీ స్థాయిలో చర్చ నడుస్తోంది. ఈ సినిమాను దర్శక దిగ్గజం రాజమౌళి తెరకెక్కిస్తున్నందున, అంచనాలు సహజంగానే మరో లెవెల్లో ఉన్నాయి. మహేష్ కెరీర్‌లోనే అత్యంత స్పెషల్‌గా నిలిచే ప్రాజెక్ట్‌గా ఇది భావిస్తున్నారు.
ఇక తాజాగా వచ్చిన వార్త మరింత హైప్‌ క్రియేట్ చేసింది. ఈ సినిమా ఏకంగా 120 దేశాల్లో రిలీజ్ కానుందన్న టాక్ ఫిలింనగర్లో హాట్ టాపిక్‌గా మారింది. ఇంతవరకు భారతీయ సినిమాలు అందుకోని రేంజ్‌లో ఈ ప్రాజెక్ట్‌ను రిలీజ్ చేయాలని ప్లాన్ చేస్తున్నారని తెలుస్తోంది.
ఇదే సమయంలో మరో పెద్ద ప్రాజెక్ట్ గురించి కూడా చర్చ మొదలైంది. ఐకాన్ స్టార్ అల్లు అర్జున్, దర్శకుడు అట్లీ కాంబినేషన్‌లో తెరకెక్కనున్న సినిమా కూడా అంతర్జాతీయ మార్కెట్‌ను దృష్టిలో పెట్టుకొని ప్లాన్ చేస్తున్నారని సమాచారం. ఈ సినిమా కూడా భారీ స్థాయిలో రిలీజ్ చేసే అవకాశాలు ఉన్నాయని చెబుతున్నారు.
