ఇంట్రెస్టింగ్ గా ‘బ‌డ్డీ’ రిలీజ్ ట్రైల‌ర్!

మెగా కంపౌండ్‌  హీరో అల్లు శిరీష్  తాజాగా నటిస్తున్న చిత్రం ‘బ‌డ్డీ’ ఇప్ప‌టికే అన్ని ప‌నులు ముగించుకుని విడుదలకు సిద్దమైంది. ఈ సినిమాను పూర్తి యాక్ష‌న్ థ్రిల్ల‌ర్ గా ద‌ర్శకుడు సామ్ ఆంటోన్ తీర్చిదిద్దుతున్నాడు. ఇక ఇప్ప‌టికే విడుదల అయిన ఈ చిత్ర పోస్ట‌ర్స్, టీజ‌ర్, ట్రైల‌ర్లు సినిమాపై భారీ అంచనాలనే క్రియేట్‌ చేస్తున్నాయి.

ఈ సినిమాను ఆగస్టు 2న ప్ర‌పంచవ్యాప్తంగా విడుదల చేస్తున్నారు. ఈ క్ర‌మంలో తాజాగా విడుదలైన ట్రైల‌ర్ ను కూడా రిలీజ్ చేశారు మేక‌ర్స్. ఈ ట్రైల‌ర్ లో టెడ్డీ బేర్‌  సీన్స్ ను ఎక్కువ‌గా ఎలివేట్ చేశారు. ఈ సినిమాలో టెడ్డీ పాత్ర ప్ర‌ధానంగా ఉండ‌బోతుంద‌ని ఈ మూవీ ట్రైల‌ర్ చూస్తుంటే అర్థ‌మ‌వుతోంది. ఇక ఫ్లైట్ కెప్టెన్ గా అల్లు శిరీష్ త‌న ప‌ర్ఫార్మెన్స్ తో ఆడియెన్స్ ను థ్రిల్ చేయ‌బోతున్నాడు.

ఈ సినిమాలో ప్రిషా సింగ్, ముఖేష్ రిషి, అజ్మ‌ల్, అలీ త‌దిత‌రులు ఇత‌ర ముఖ్య పాత్ర‌ల్లో యాక్ట్‌ చేస్తున్నారు.