టాలెంటెడ్‌ డైరెక్టర్ శంకర్ డైరెక్షన్‌ లో స్టార్‌ నటుడు కమల్ హాసన్‌ తో రూపుదిద్దుకుంటున్న సినిమా ఇండియన్‌ 2 . ఈ సినిమా చాలా కాలంగా చిత్రీకరణ జరుపుకుంటుంది. ఎట్టకేలకు సినిమా థియేటర్లలోకి వచ్చేందుకు సిద్దమైంది. వచ్చే నెల 24న ఈ సినిమా విడుదలకు చిత్ర బృందం సన్నాహాలు చేస్తుంది.
1996 లో వచ్చిన భారతీయుడు సినిమాకి ఇది సీక్వెల్ గా వస్తున్న విషయం తెలిసిందే. ఈ సినిమాలో కమల్ తో పాటు కాజల్‌, రకుల్‌, సిద్దార్థ్‌, సముద్ర ఖని, బాబీ సింహా వంటి ప్రముఖ నటులు నటించిన విషయం తెలిసిందే. భారతీయుడు సినిమాకి ఏఆర్ రెహమాన్‌ సంగీతం అందిస్తే ..ఇండియన్‌ 2 కి అనిరుధ్‌ చంద్రన్‌ సంగీతాన్ని సమకూర్చారు.
ఈ సినిమా చిత్రీకరణ పూర్తి చేసుకుని తుది దశ నిర్మాణ పనులు దాదాపుగా పూర్తి చేసుకున్న ఈ చిత్రాన్ని సమ్మర్‌ స్పెషల్‌గా తమిళం, తెలుగు, హిందీ, కన్నడ భాషల్లో పాన్‌ ఇండియా లెవల్లో విడుదల చేసేందుకు చిత్ర బృందం రెడీ అయ్యింది. అసలు ఈ సినిమాని ముందే విడుదల చేయాలనుకున్నారు కానీ లోక్‌ సభ ఎన్నికల పోలింగ్‌ జరగనున్న క్రమంలో దీని విడుదలను వాయిదా వేశారు.
