గల్లా మంజునాథ్ సమర్పణలో మూవీటెక్ ఎల్‌ఎల్‌సీతో కలిసి రాధాకృష్ణ ప్రొడక్షన్ కంపెనీ పతాకంపై రాధాకృష్ణారెడ్డి, శివశంకర్ రెడ్డి ‘జాతర’ సినిమాని తెరకెక్కిస్తున్నారు. సతీష్ బాబు రాటకొండ ఈ సినిమాలో నటిస్తూ, దర్శకత్వం వహించిన మూవీ ‘జాతర’ . ఈ చిత్రానికి సంబంధించి ఫస్ట్ లుక్ పోస్టర్ అందరినీ ఆకట్టుకుంది.
ఇప్పటివరకు ఎవ్వరూ టచ్ చేయని పాయింట్‌తో రగ్డ్‌గా, ఇంటెన్స్ డ్రామాతో ‘జాతర’ సినిమా ప్రేక్షకుల ముందుకు రానుంది. చిత్తూరు జిల్లా బ్యాక్ డ్రాప్‌లో జరిగే జాతర నేపథ్యంలో ఈ సినిమా నవంబర్ 8న థియేటర్లోకి రానుంది. ఈ క్రమంలో ట్రైలర్‌ను ప్రముఖ నిర్మాత రాజ్ కందుకూరి విడుదల చేసి చిత్ర యూనిట్‌కు ఆల్ ది బెస్ట్ తెలిపారు. ‘అమ్మోరు తల్లి ఊరు వదిలి వెళ్లిపోయిందహో’ అంటూ దండోరా వేస్తున్నట్టుగా మొదలైన ఈ
మూవీ ట్రైలర్ ఆద్యంతం ఆసక్తికరంగా ఉంది.
‘నువ్వు ఎక్కడ పడితే అక్కడ కట్టేసుకోవడానికి అమ్మోరు నీ ఇంట్లో గొడ్డు అనుకున్నావారా?’, ‘తోలేసుకుని బతికే వాళ్లమే కానీ తోలు అమ్ముకుని బతికే వాళ్లం కాదు’ అనే డైలాగ్స్ ఆకట్టుకుంటున్నాయి. టెక్నికల్‌గా హై స్టాండర్డ్‌ విజువల్స్, ఆర్ఆర్, యాక్షన్ సీక్వెన్స్ అన్నీ అదిరిపోయాయి.
ఈ చిత్రంలో దీయా రాజ్ కథానాయికగా నటించగా.. ఆర్.కె. నాయుడు, గోపాల్ రెడ్డి, మహబూబ్ బాషా, సాయి విక్రాంత్ సహాయక పాత్రల్లో యాక్ట్‌ చేశారు. కె.వి.ప్రసాద్ సినిమాటోగ్రఫీని అందిస్తుండగా, శ్రీజిత్ ఎడవణ సంగీతం సమకూర్చారు.
