టాలీవుడ్‌ స్టార్‌ నటీమణుల్లో సమంత ఒకరు. ఆమె నటించిన సినిమాలన్ని దాదాపు సూపర్‌ హిట్లే. ఈ క్రమంలోనే దర్శకుడు సుకుమార్‌ సమంతని ఓ రేంజ్‌ పొగిడేశాడు. అంతే కాకుండా ఆమె కు ఓ లైఫ్‌ లాంగ్‌ ఆఫర్‌ కూడా ఇచ్చాడు.
అసలు మేటర్ ఏంటంటే.. కొద్ది రోజుల క్రితం ఓ ఇంటర్వ్యూలో సుకుమార్‌ మాట్లాడుతూ ‘ ‘రంగస్థలం’లో రామలక్ష్మి పాత్రకు ముందు సమంతను అనుకోలేదు. ఎందుకంటే హీరోహీరోయిన్లు ఇద్దరు సూపర్‌ స్టార్లయితే హ్యాండిల్‌ చేయలేనేమోనని భయపడ్డాను. కానీ అనుకోని పరిస్థితుల్లో సమంతను ఈ ప్రాజెక్టులోకి తీసుకున్నాము.
అయితే మొదటి రోజు నుంచే లొకేషన్లో ఆమె యాక్టింగ్‌ చూసి ఆశ్చర్యపోయాను. ఈ రోజు చెబుతున్నాను.. నేను సినిమాలు తీస్తున్నంతకాలం నా ప్రతి సినిమాలో సమంతను ఏదో ఒక పాత్రలో తీసుకుంటూనే ఉంటాను అంటూ సుక్కు సామ్‌ కి ఓ బంపరాఫర్‌ ఇచ్చేశాడు.
సామ్‌ కు ఏ వయసు వచ్చినా ఆ వయసుకు తగ్గ పాత్ర ఇస్తూనే ఉంటాను అంటూ భారీ ఆఫర్‌ ఇచ్చేశారు. దీనిపై సమంత కూడా స్పందించారు. ‘థాంక్యూ సుక్కూసార్‌.. మీరిస్తూ ఉండండి.. నేను చేస్తూనే ఉంటాను’ అంటూ తన సంతోషాన్ని వ్యక్తం చేసింది. సుక్కు అన్న మాటలు చూస్తే ‘పుష్ప-2’లో కూడా సమంత ఉందనే క్లారిటీ వచ్చేసింది. ‘పుష్ప’లో ‘ఊ అంటావా.. మావా ఊ ఊ అంటావా..’ అంటూ మెరుపులు మెరిపించిన సామ్‌.. మరి ‘పుష్ప -2’లో ఎలా ఉంటుందో..ఏ పాత్రలో చేస్తుందో చూడాలి మరి.
