చరణ్ ప్రస్తుతం డైరెక్టర్ శంకర్‌ కాంబోలో వస్తున్న గేమ్ ఛేంజర్ సినిమా షూటింగ్ లో బిజీగా ఉన్నాడు. అయితే ఈ చిత్రం ఎప్పుడు విడుదల అవుతుందో మాత్రం ఎవ్వరికీ తెలియని పరిస్థితి. దీనితో చరణ్ అభిమానుల ఫోకస్ మొత్తం బుచ్చిబాబు కాంబోలో రాబోతున్న పాన్ ఇండియా మూవీపై పడింది. ఇంకా షూటింగ్ కూడా ప్రారంభం కాకముందే ఈ చిత్రంపై నెలకొన్న హైప్ మరి ఆ రేంజ్‌ లో ఉంది.
ఈ చిత్రంలో జాన్వీ కపూర్ హీరోయిన్ గా నటిస్తోంది. ఏఆర్ రెహమాన్ సంగీతం అందిస్తున్నారు. ఇంకా చాలా మంది పెద్ద నటులు సినిమాలో నటిస్తున్నారు. బుచ్చిబాబు ఎంతో రీసెర్చ్ చేసి విజయనగరం, ఉత్తరాంధ్ర బ్యాక్ డ్రాప్ లో ఓ కథను సిద్ధం చేశారు. అయితే స్టోరీ బ్యాక్ డ్రాప్ మాత్రం ఎవరికీ తెలియదు.. కబడ్డీ అని, కుస్తీ అని ఇలా చాలా మాటలు బయటకు వస్తున్నాయి.
ఇదిలా ఉండగా విజయ్ సేతుపతి ఆర్సీ 16 మూవీపై తాజాగా చేసిన వ్యాఖ్యలు ప్రస్తుతం వైరల్‌ గా మారాయి. బుచ్చిబాబు, విజయ్ సేతుపతి మధ్య మంచి బాండింగ్ ఉంది. ఉప్పెన చిత్రంలో విజయ్ సేతుపతి విలన్ గా చేసిన సంగతి తెలిసిందే. విజయ్ సేతుపతి రీసెంట్ గా నటించిన మహారాజ చిత్రం సూపర్ హిట్ టాక్ తో బాక్సాఫీస్ వద్ద దూసుకెళ్తుంది. దీంతో బుచ్చిబాబు స్వయంగా విజయ్ సేతుపతిని ఇంటర్వ్యూ చేశారు.
ఈ ఇంటర్వ్యూ చివర్లో విజయ్ సేతుపతి బుచ్చిబాబు తదుపరి చిత్రానికి శుభాకాంక్షలు చెప్పారు. రాంచరణ్ తో బుచ్చిబాబు తీయబోయే సినిమా కథ నాకు ముందే తెలుసు. బుచ్చి నాకు చెప్పాడు. కథ చాలా అద్భుతంగా ఉంటుంది. రాంచరణ్ మూవీ సూపర్ డూపర్ హిట్ అవుతుంది అని విజయ్ సేతుపతి చెప్పుకొచ్చారు. ఈ విషయం విన్న చరణ్ అభిమానులు ఫుల్‌ ఖుషీ అవుతున్నారు.
