గోవా బ్యూటీ ఇలియానా గురించి ప్రత్యేకంగా చెప్పాల్సిన అవసరం లేదు. టాలీవుడ్ లోకి దేవదాసు సినిమాతో ఎంట్రీ ఇచ్చిన ఈ ముద్దుగుమ్మ..ఆ తరువాత పోకిరి సినిమాతో స్టార్ హీరోయిన్‌ గా మారిపోయింది. టాలీవుడ్ లో అగ్ర హీరోలందరి సరసన నటించి మెప్పించింది. సుమారు పదేళ్ల పాటు ఇండస్ట్రీని అలరించిన ఇలియానా…కెరీర్‌ మంచి ఫామ్‌ లో ఉండగా…బాలీవుడ్ లో రాణించడానికి వెళ్లిపోయింది.
అక్కడ ఇలియానా సినిమాలు అంతగా ఆకట్టుకోలేదు. దీంతో ఇలియానా కెరీర్‌ ఒక్కసారిగా కిందకి పడిపోయింది. ఇలియానా టాలీవుడ్ ని వదిలి వెళ్లినప్పటికీ .. ఆమెని బాలీవుడ్ లో కూడా ఎవరూ పెద్దగా పట్టించుకోలేదు. ఈ క్రమంలోనే ఇలియానా నడిపిన లవ్‌ ఎఫైర్స్‌ కూడా పెద్ద సంచలనాలనే సృష్టించాయి. బ్రేకప్ ల వల్ల ఆమె డిప్రెషన్ లోకి వెళ్లిన విషయం గురించి కూడా తెలిసిందే. ఈ క్రమంలోనే ఇలియానా ఓ వ్యక్తిని ప్రేమించి ఓ బిడ్డకి తల్లి కూడా అయ్యింది. ప్రస్తుతం కొడుకు, భర్తతో ఇలియానా హ్యాపీగా ఉంది. ప్రస్తుతం ఇలియానా సినిమాల్లో ఆఫర్స్ కూడా అందుకుంటుంది.
ఇలియానా తాజాగా నటించిన చిత్రం ”దో ఔర్ దో ప్యార్” కి ప్రేక్షకుల నుంచి మంచి రెస్పాన్స్ వస్తోంది. ఈ సినిమా ప్రమోషన్ లో భాగంగా ఇలియానా ఓ ఇంటర్వ్యూలో పాల్గొంది. ఆ ఇంటర్వ్యూలో ఇలియానా చేసిన వ్యాఖ్యలు వైరల్ అవుతున్నాయి.ఈ చిత్రంలో ఇలియానా నోరా అనే పాత్రలో నటించింది. ఈ సినిమాలో పాత్ర తన నిజ జీవితానికి ఎంతో దగ్గరగా ఉంటుందని ఇలియానా తెలిపింది. ఈ సినిమాలోని నోరా లాగే తాను కూడా ఎంతో సెన్సిటివ్ అని ఇలియానా పేర్కొంది.
ఈ మూవీ డైరెక్టర్ శిరీష స్టోరీ చెప్పగానే వెంటనే ఒప్పేసుకున్నాను.ఈ చిత్రంలో నా పాత్ర కోసం శారీరకంగా ఫిట్ గా ఉండేందుకు జిమ్ వర్క్ ఔట్స్ చేయాలేమో అని భయపడ్డాను .ఎందుకంటే నేను మానసికంగా ఎంతో అలసిపోయాను .బరువు తగ్గడం నా వల్ల కాదు అని ఆమెతో చెప్పాను. ఆమె నన్ను అర్ధం చేసుకొని ఇప్పుడు మీరు బరువు తగ్గాల్సిన పని లేదు ఇప్పుడు మీరు ఎలా వున్నారో అలాగే కంటిన్యూ చేయమని ఆమె చెప్పినట్లు ఇలియానా తెలిపారు .
