టాలీవుడ్ యంగ్ రౌడీ హీరో ‘విజయ్ దేవరకొండ’ గురించి ప్రత్యేక చెప్పానవసరం లేదు. కెరీర్ ఆరంభంలో చిన్న చిన్న రోల్స్ చేసి.. స్టార్ హీరోగా మారిన సంగతి తెలిసిందే. ‘పెళ్లి చూపులు’ సినిమా విజయ్‌కు సూపర్‌ హిట్ ఇస్తే.. అర్జున్ రెడ్డి, గీతా గోవిందం సినిమాలు మంచి బ్రేక్ ఇచ్చాయి. నోటా, వరల్డ్ ఫేమస్ లవర్, లైగర్ డిజాస్టర్‌ లుగా నిలిచినా… ఖుషి, ఫ్యామిలీ స్టార్ సినిమాలు కొంచెం ఫర్వాలేదనిపించాయి.
ఈసారి ఎలాగైనా హిట్ కొట్టాలని ‘జెర్సీ’ డైరెక్టర్ గౌతమ్‌ తిన్ననూరితో విజయ్ ఓ సినిమా చేస్తున్న సంగతి తెలిసిందే.విజయ్ దేవరకొండ కథానాయకుడిగా గౌతమ్‌ తిన్ననూరి దర్శకత్వంలో వస్తున్న చిత్రం ‘వీడీ 12’. ఈ చిత్ర షూటింగ్ చాలా స్పీడ్‌ గా జరుగుతున్న సంగతి తెలిసిందే. విజయ్ గన్ పట్టుకుని ఉన్న పోస్టర్‌ను గత నెలలో విజయ్ తన ఇన్‌స్టాగ్రామ్ వేదికగా పంచుకున్న సంగతి తెలిసిందే.
ఈ క్రమంలోనే తాజాగా విజయ్‌కు సంబందించిన ఓ ఫోటో సోషల్ మీడియాలో తెగ వైరల్ అవుతోంది. బైక్‌పై వెనకాల కూర్చొని తీక్షణంగా చూస్తున్నాడు. గడ్డం, పొట్టి షార్ట్ హెయిర్ స్టైల్‌లో గుర్తుపట్టలేకుండా ఉన్నాడు. ఇది చూసిన నెటిజన్స్.. ‘ఎలా ఉండే వాడు.. ఎలా అయిపోయాడు’, ‘విజయ్ దేవరకొండను గుర్తుపట్టడం చాలా కష్టమే’ అంటూ కామెంట్లు పెడుతున్నారు.
స్పై యాక్షన్‌ థ్రిల్లర్‌గా వీడీ 12 తెరకెక్కుతోంది. ఈ సినిమాను సితార ఎంటర్‌టైన్‌మెంట్స్‌ పతాకంపై సూర్యదేవర నాగవంశీ, సాయి సౌజన్య సంయుక్తంగా నిర్మిస్తున్నారు. విజయ్‌కు జోడీగా భాగ్యశ్రీ బోర్సే ఈ మూవీలో యాక్ట్‌ చేస్తున్న సంగతి తెలిసిందే..
