చాలా రోజుల తర్వాత మళ్ళీ సౌత్ సినిమా మార్కెట్‌లో పెద్ద హంగామా నెలకొంది. రెండు తెలుగు రాష్ట్రాల్లో ఒకేసారి రెండు భారీ సినిమాలు రిలీజ్ అవుతున్నందుకు అభిమానుల్లో ఉత్సాహం రెట్టింపు అయింది. ఈసారి థియేటర్లలో హోరాహోరీ పోటీగా రజినీకాంత్, లోకేష్ కనగరాజ్ కాంబినేషన్‌లో వచ్చిన “కూలీ” సినిమా, ఎన్టీఆర్, హృతిక్ రోషన్ కలిసి నటించిన “వార్ 2” సినిమా ప్రేక్షకులను ఆకట్టుకోబోతున్నాయి.
ఈ రెండు సినిమాలు తెలుగు ప్రేక్షకులకు డబ్బింగ్ వెర్షన్‌లోనే అందుబాటులోకి రానున్నాయి. ట్రేడ్ వర్గాల అంచనా ప్రకారం, రిలీజ్ అయిన మొదటి రోజే “వార్ 2” దాదాపు 20 కోట్ల వరకు షేర్ సాధించే అవకాశం ఉందని అంటున్నారు. అదే సమయంలో “కూలీ” కూడా రెండు రాష్ట్రాల్లో కలిపి 15 కోట్ల వరకు వసూలు చేసే అవకాశం ఉందని భావిస్తున్నారు.
మొత్తంగా ఈ రెండు సినిమాలు మొదటి రోజు నుంచీ బాగా ఓపెనింగ్స్ చేయడం ఖాయం అనిపిస్తోంది. ఇప్పటికి “కూలీ” సినిమా తెలుగు రాష్ట్రాల్లో 44 కోట్లు బిజినెస్ నిల్వచేస్తే, “వార్ 2” అంటే దాదాపు రెండింతలైన 90 కోట్లు లక్ష్యంగా పెట్టుకుంది. అలాగే, రాబోయే కొన్ని రోజుల్లో బాక్సాఫీస్ వద్ద ఈ రెండు సినిమాలే ముఖ్య ఆకర్షణగా నిలవనున్నాయి.
