బాలీవుడ్ స్టార్ రణబీర్ కపూర్ ప్రధాన పాత్రలో, సాయి పల్లవి కథానాయికగా నటిస్తున్న చిత్రం “రామాయణం” ప్రస్తుతం చాలా చర్చల్లో ఉంది. ఈ సినిమాలో రణబీర్ రాముడిగా, సాయి పల్లవి సీతగా కనిపించనుంది. అదేవిధంగా, యష్ రావణ్ పాత్రలో కనిపిస్తుండగా, అతను కేవలం నటుడిగా మాత్రమే కాకుండా, నిర్మాతగా కూడా ఈ ప్రాజెక్ట్‌కు బాధ్యతలు తీసుకున్నాడు.
ఇప్పటి వరకు చిత్రీకరణలో కీలక యుద్ధ సన్నివేశాల మీద ప్రత్యేకంగా దృష్టి పెట్టడం జరిగింది. హాలీవుడ్ ఫేమస్ స్టంట్ కోఆర్డినేటర్ గయ్ నోరిస్, మాడ్ మాక్స్ వంటి సినిమాలకు పని చేసిన ప్రముఖ వ్యక్తి, ఈ సినిమాకి కూడా స్టంట్ డైరెక్టర్‌గా పనిచేస్తున్నారు. ఇటీవల సెట్లో యష్ తో ఆయన యాక్షన్ సన్నివేశాల గురించిన చర్చలు జరుగుతున్న ఫోటో సోషల్ మీడియాలో వైరల్ అయ్యింది. దీని ద్వారా ఈ సినిమా యాక్షన్ సన్నివేశాలు భారీ స్థాయిలో ఉంటాయని అర్థం చేసుకోవచ్చు.
