నటుడు ప్రియదర్శి, నటి నభా నటేష్‌ మధ్య డార్లింగ్ వివాదం నడుస్తున్న విషయం తెలిసిందే. తాజాగా ఈ గొడవలోకి నటి రీతూ వర్మ కూడా ఎంటర్‌ అయ్యింది. నటి నభాను ప్రియదర్శి డార్లింగ్ అని పిలవడంతో తనకు నచ్చలేదంటూ ఆమె సీరియస్ అయ్యి వార్నింగ్‌ కూడా ఇచ్చిన సంగతి తెలిసిందే.
ఇలా డార్లింగ్ అని పిలిస్తే కేసు అవుతుందని కూడా చెప్పుకొచ్చింది. ఎవరినైనా డార్లింగ్ అని పిలవడం నేరమని, కామెంట్‌ చేసేముందు మాటలు జాగ్రత్త అంటూ నభా ఆగ్రహం వ్యక్తం చేసింది. అయితే వీరిద్దరి గొడవలోకి నటి రీతూవర్మ కూడా లాగారు ప్రియదర్శి. అసలు ఆమె ఎందుకు వీరి గొడవలోకి వచ్చిందంటే…నటి రీతూవర్మ ఇటీవల ఓ ఫొటోషూట్‌లో పాల్గొంది.
ఇందుకు సంబంధించిన పిక్స్ తన సోషల్‌ మీడియా ఖాతాలో షేర్‌ చేసింది. దీంతో ‘వావ్‌ రీతూ డార్లింగ్.. ఎంత అందంగా ఉన్నావో. నీ అందానికి ముగ్ధుడనయ్యా. మాటలు రావడం లేదు’ అంటూ ప్రియదర్శి కామెంట్‌ చేశాడు. అయితే ఈ పోస్ట్ గురించి మరోసారి రియాక్ట్ అయిన నటి నభా.. ‘ఇతను మళ్లీ మొదలుపెట్టాడు అంటూ రాసుకొచ్చింది. ఆడవాళ్ల కామెంట్‌ సెక్షన్‌పై ఉన్నట్టుండి ఆసక్తి చూపిస్తున్నాడు. అందరినీ డార్లింగ్ అని పిలవడం ఏంటి? నీ బ్రెయిన్‌ పనిచేయడం లేదా?’ అంటూ తనదైన స్టైల్ లో సెటైర్స్ వేసింది.
ఈ క్రమంలోనే మరోసారి రియాక్ట్ అయిన ప్రియదర్శి.. ‘నేను ఎవరినైనా డార్లింగ్ అని పిలిస్తే నీకెందుకు ఇబ్బంది?’ అంటూ ప్రశ్నించాడు. అయితే ఈ కన్వర్జేషన్ పై రీతూవర్మ స్పందిస్తూ.. ‘నా కామెంట్‌ సెక్షన్‌లో మీ పంచాయితీ ఏంటి?’ అని ఇద్దరినీ నిలదీసింది. దీంతో ఈ పోస్టు కాస్త వైరల్ గా మారింది.
