పవన్ కళ్యాణ్ సినిమాల స్పీడ్‌కి ఇంకాస్త గేర్ ఎక్కినట్టుంది. ఒకవైపు ‘హరిహర వీరమల్లు’ షూటింగ్ పూర్తయ్యింది. ఇప్పుడు ‘ఓజి’ అనే ప్రాజెక్ట్‌లోకి అడుగుపెట్టాడు. దీంతో అభిమానుల్లో ఆనందం డబుల్ అయిపోయింది. ఈ క్రమంలోనే అందరి దృష్టి ఇప్పుడు మరో సినిమా మీద పడుతోంది. అదే ‘ఉస్తాద్ భగత్ సింగ్’.
ఈ సినిమాకి హరీష్ శంకర్ దర్శకత్వం వహిస్తున్నారు. పవన్‌కి హరీష్ శంకర్ కాంబినేషన్ అంటేనే గతంలో వచ్చిన ‘గబ్బర్ సింగ్’ సక్సెస్ గుర్తొస్తుంది కాబట్టి, ఇప్పుడు ఈ ప్రాజెక్ట్‌ పైన అంచనాలు భారీగా ఉన్నాయి. ఇప్పటికే కొన్ని ముఖ్యమైన సన్నివేశాల్ని షూట్ చేశారు. ఇక మళ్లీ పవన్ ఈ సినిమా సెట్స్ మీదకు రాబోతున్నట్టు టాక్ వినిపిస్తోంది.
తాజాగా హరీష్ శంకర్ చెప్పిన కొన్ని విషయాలు సినిమా మీద క్రేజ్‌ పెంచేలా ఉన్నాయి. పవన్ ఫ్యాన్స్‌కి గుర్తుండిపోయేలా ఒక బ్లాక్‌బస్టర్ ఇవ్వాలనే ఉద్దేశంతో టీమ్ పూర్తిగా కష్టపడుతోందంటూ చెప్పిన ఆయన వ్యాఖ్యలు నెటిజన్లలో ఆసక్తి పెంచాయి.
ఈ సినిమాలో శ్రీలీల హీరోయిన్‌గా కనిపించబోతుంది. సంగీతం దేవిశ్రీ ప్రసాద్ బాధ్యతలు తీసుకున్నాడు. మైత్రి మూవీ మేకర్స్ భారీ బడ్జెట్‌తో ఈ సినిమాని నిర్మిస్తున్నారు. మొత్తానికి పవన్ కంఫర్మ్ చేసిన సినిమాల స్పీడ్ చూస్తుంటే, ఆడియెన్స్‌కి రాబోయే రోజుల్లో మంచి ఫెస్ట్ అనిపించబోతోందని చెప్పవచ్చు.
