మాచో స్టార్‌ గోపీచంద్… తెలుగు ఇండస్ట్రీలో కి విలన్‌ గా ఎంట్రీ ఇచ్చి హీరోగా మారాడు. తాజాగా ఆయన డైరెక్టర్‌ శ్రీనువైట్ల తో కలసిఇ ఓ సినిమా చేస్తున్న సంగతి తెలిసిందే. రంజాన్‌ సందర్భంగా సినిమా నుంచి ఫస్ట్ స్ట్రైక్ ను చిత్ర బృందం విడుదల చేసింది. ఈ సినిమాని పీపుల్‌ మీడియా ఫ్యాక్టరీ బ్యానర్‌ పై టీజీ విశ్వ ప్రసాద్‌, చిత్రాలయ స్టూడియోస్‌ పై వేణు దోనేపూడి నిర్మిస్తున్న మాస్‌ ఎంటర్‌టైనర్‌ ఈ చిత్రం.
#గోపీచంద్32కి ‘విశ్వం’ అనే పవర్ ఫుల్ టైటిల్ ఖరారు చేశారు. తాజాగా విడుదల చేసిన ఫస్ట్ స్ట్రైక్ వీడియో చూస్తే వధూవరులు పెళ్లి మండపంలోకి రావడం, సంగీత విద్వాంసుల బృందం వివిధ వాయిద్యాలు వాయిస్తూ, పూజారి మంత్రాలు చదవడం , రుచికరమైన ఆహారాన్ని సిద్ధం చేస్తున్న చెఫ్‌లు.. ఇలా వివాహ వేడుకలతో ఫస్ట్ స్ట్రైక్ వీడియో మొదలైంది.
గోపీచంద్ పెద్ద గిటార్ కేస్‌ లాంటి దానిని భుజంపై వేసుకుని పెళ్లి మండపం వైపు నడుస్తూ ఎంట్రీ ఇవ్వగా కొద్ది సేపటికీ అది గిటార్ కాదు, మెషిన్ గన్ అని చూపడం ఆసక్తి రేపుతోంది. ఇక ఆశ్చర్యకరంగా అతను వధూవరులను, వివాహానికి వచ్చిన అతిథులందరినీ కాల్చడం ప్రారంభించి అక్కడ ఫుడ్ ని ఆస్వాదిస్తూ, “దానే దానే పే లిఖా, ఖానే వాలే కా నామ్… ఇస్పే లిఖా మేరే నామ్..’ అని చెప్పడం చాలా పవర్ ఫుల్ గా అనిపించింది.
చాలా పవర్ ఫుల్ గా అనిపిస్తోంది. లైట్ గా ఉన్న గడ్డంతో, డార్క్ కళ్లద్దాలు పెట్టుకుని స్టైలిష్‌గా కనిపించిన గోపీచంద్‌ని ఇలా నెగెటివ్‌ షేడ్‌లో చూడటం నిజంగా థ్రిల్లింగ్‌ గా అనిపిస్తోంది. గోపీచంద్ డైలాగ్ చెప్పిన విధానం, క్యారెక్టర్ గ్రే షేడ్స్ లో ఉన్నట్టే కనిపిస్తోంది.
