స్టార్ హీరో విక్టరీ వెంకటేష్, డైరెక్టర్‌ అనిల్ రావిపూడి కాంబోలో తెరకెక్కిన తాజా సినిమా ‘సంక్రాంతికి వస్తున్నాం’ ఇప్పటికే ప్రేక్షకుల్లో సాలిడ్ అంచనాలను ఏర్పరచుకుంది. ఈ సినిమా నుండి విడుదలైన పోస్టర్స్, లిరికల్ పాట అందరినీ ఆకట్టుకునే విధంగా ఉన్నాయి. దీంతో ఈ సినిమాపై పాజిటివ్ వైబ్స్ క్రియేట్ అయ్యాయి.
ఇక ఈ సినిమా నుండి ఫస్ట్ లిరికల్ సాంగ్‌గా విడుదలైన ‘గోదారి గట్టు’ ప్రస్తుతం ట్రెమెండస్ రెస్పాన్స్‌తో ముందుకు దూసుకుపోతుంది. భాస్కరభట్ట చక్కటి సాహిత్యానికి భీమ్స్ సిసిరోలియో అందించిన మెలోడీ ట్యూన్స్‌ మరింత ఆసక్తికరంగా ఉండటంతో ఈ పాట ప్రేక్షకులకు బాగా ఎక్కేసింది.
దీనికి తోడు రమణ గోగుల చాలా కాలం తరువాత ఈ పాటను పాడటంతో ఆయన వాయిస్ రిఫ్రెషింగ్‌గా ఉండటం కూడా ఈ పాట సక్సె్స్‌కి మరో కారణం అని చెప్పాలి. తాజాగా గోదారి గట్టు సాంగ్ యూట్యూబ్‌లో సెన్సేషన్ క్రియేట్ చేసింది.
ఈ పాటకు ఏకంగా 10 మిలియన్‌కి పైగా వ్యూస్ వచ్చాయి. అంతేగాక, 225K లైక్స్‌తో గోదారి గట్టు సాంగ్ అదరగొడుతుంది. ఈ పాటలో వెంకటేష్, ఐశ్వర్య రాజేష్‌ల కెమిస్ట్రీ సూపర్బ్‌గా ఉందంటూ ప్రేక్షకులు కితాబిస్తున్నారు. ఈ చిత్రాన్ని సంక్రాంతి కానుకగా జనవరి 14న గ్రాండ్ విడుదలకు సిద్దం చేశారు.
