‘సుడిగాలి సుధీర్’ యాంకర్, కమెడియన్ గా బుల్లితెర కు పరిచయమై తనకంటూ ఓ ప్రత్యేకమైన గుర్తింపు తెచ్చుకున్న సంగతి తెలిసిందే. ఒకవైపు షోస్ చేస్తూనే హీరోగా పలు సినిమాల్లో నటించాడు. వాటిలో కొన్ని సినిమాలు ఆకట్టుకోగా మరికొన్ని ఫర్వాలేదనిపించాయి. ప్రస్తుతం సుధీర్ నటిస్తున్న చిత్రం ‘గోట్’. విశ్వక్ సేన్ హీరోగా నటించిన ‘పాగల్’ తో దర్శకుడిగా పరిచయమైన నరేష్ కుప్పిలి ఈ చిత్రానికి డైరెక్షన్‌ చేస్తున్న సంగతి తెలిసిందే.
మహాతేజ క్రియేషన్స్ అండ్ జైష్ణ‌వ్ ప్రొడ‌క్ష‌న్స్ సంయుక్తంగా ‘గోట్’ చిత్రాన్ని నిర్మిస్తున్నారు. చంద్రశేఖర్ రెడ్డి మొగుళ్ళ నిర్మాత‌గా ఉన్నారు. సుధీర్ సరసన తమిళ భామ దివ్య భారతి హీరోయిన్ గా చేస్తున్న సంగతి తెలిసిందే. ఇప్పటికే గోట్ నుంచి విడుదల అయిన ఫస్ట్ సింగిల్ సాంగ్ కు పాజిటివ్ రెస్పాన్స్ వచ్చింది. ఈ సినిమా నుండి వచ్చిన ‘అయ్యో పాపం సారూ’ అంటూ సాగే ఈ పాట సంగీత ప్రియులను ఎంతగానో ఆకట్టుకుంది.
తాజాగా ఈ సినిమాకు సంబంధించి ఓ క్రేజీ అప్డేట్ ని మూవీ మేకర్స్ ఇచ్చారు. G.O.A.T సెకండ్ సింగిల్ ను ఆగష్టు 17న విడుదల చేయనున్నట్టు ప్రకటించారు. నిర్మాత చంద్రశేఖర్ రెడ్డి సుధీర్ కెరీర్ లోనే బెస్ట్ మైల్ స్టోన్ గా ఈ సినిమా నిలుస్తుందని పేర్కొన్నారు. ఖర్చు విషయంలో కూడా వెనుకడుగు వేయకుండా రిచ్ గా ఈ చిత్రాన్ని నిర్మిస్తున్నట్లు పేర్కొన్నారు. లియోన్ జేమ్స్ గోట్ కు సంగీతం అందించాడు. GOAT అంటే గ్రేటెస్ట్ ఆఫ్ ఆల్ టైమ్. అభిమానులు తమకు నచ్చిన హీరోలను, సెలబ్రిటీలను గోట్ అని పిలుచుకుంటారు. కాగా తమిళ్ స్టార్ హీరో విజయ్ దళపతి సినిమా టైటిల్ కూడా G.O.A.T టైటిల్ తో వస్తున్నాడు .
