యంగ్ రెబల్ స్టార్ ప్రభాస్‌, నాగ్‌ అశ్విన్‌ ల భారీ బడ్జెట్‌ మూవీ ‘కల్కి 2898 ఏడీ’ నుంచి బిగ్ అప్ డేట్ ఇచ్చారు మేకర్స్. ప్రభాస్‌ సినిమా నుంచి అభిమానులు ఎంతో ఆసక్తిగా ఎప్పుడెప్పుడా అని ఎదురు చూస్తున్న బాలీవుడ్‌ బిగ్ బి అమితాబ్‌ గ్లింప్స్ ను చిత్రం విడుదల చేసింది.
ఈ మేరకు ఓ బాలుడు నీవు ఎవరూ దేవుడివా? నీకు మరణం లేదా? అంటూ అడగగా.. ద్రోణాచార్య పుత్రుడు అశ్వత్థామను అంటూ బిగ్ బి తానను తాను పరిచయం చేసుకుంటున్న గ్లింప్స్ చిత్రం మీద భారీ అంచనాలు పెంచాయి. ఇందులో మరో విశేషం ఏంటంటే…ఇందులో అమితాబ్‌ యంగ్ లుక్‌ లో అదరగొట్టారు.
కాగా ఇతిహాసాలతో ముడిపడిన ఈ సైన్స్‌ ఫిక్షన్‌ చిత్రంలో దీపికా పదుకొణె హీరోయిన్‌ గా నటిస్తుండగా.. కమల్‌ హాసన్‌, దిశా పటానీ కీలక పాత్రలు పోషిస్తున్నారు. ఇక మే 9న విడుదల కావాల్సిన సినిమా.. లోక్ సభ ఎన్నికల కారణంగా వాయిదా పడింది. కొత్త రిలీజ్ డేట్ ఇంకా ప్రకటించలేదు.
