టాలీవుడ్ ఫీల్ గుడ్ సినిమాల డైరెక్టర్‌ శేఖర్ కమ్ముల దర్శకత్వం వహిస్తున్న ప్రెస్టీజియస్ మల్టీస్టారర్ సినిమా ‘కుబేర’పై ఇప్పటికే ప్రేక్షకుల్లో మంచి అంచనాలు అయితే క్రియేట్‌ అయ్యాయి. ఈ సినిమాలో కింగ్ అక్కినేని నాగార్జున, టాలెంటెడ్ నటుడు ధనుష్‌, రష్మిక వంటి నటులు ముఖ్య పాత్రల్లో యాక్ట్‌ చేస్తున్నారు.
దీంతో ఈ సినిమా ఎలాంటి కథతో రానుందా.. ఈ సినిమాలో వీరి పర్ఫార్మెన్స్ ఎలా ఉండబోతుందా అనే ఆసక్తి అందరిలో నెలకొంది. ఇక ఈ సినిమా నుండి తాజాగా ఓ సాలిడ్ అప్డేట్ అయితే మేకర్స్ ప్రేక్షకుల ముందుకు తీసుకుని వచ్చారు. ఈ సినిమాకు సంబంధించిన ఫస్ట్ గ్లింప్స్‌ని నవంబర్ 15న రిలీజ్ చేస్తున్నట్లు చిత్ర యూనిట్ తాజాగా వెల్లడించింది. ఓ సరికొత్త పోస్టర్‌తో ఈ అనౌన్స్‌మెంట్ చేశారు. ఈ పోస్టర్‌లో అక్కినేని నాగార్జున కూల్ లుక్స్‌తో కనిపిస్తున్నాడు. దీంతో ఈ సినిమాలో ఆయన పాత్రపై అభిమానుల్లో అంచనాలు పెరుగుతున్నాయి.
ఇక ఈ సినిమాకు దేవిశ్రీ ప్రసాద్ సంగీతం అందిస్తుండగా.. ఏషియన్ సునీల్, పుస్కూర్ రామ్ మోహన్ ఈ చిత్రాన్ని సంయుక్తంగా ప్రొడ్యూస్ చేస్తున్నారు.
