వరలక్ష్మీ శరత్ కుమార్ సినీ రంగ ప్రవేశం చేసినప్పటి నుంచే తనకంటూ ఓ ప్రత్యేకమైన గుర్తింపు తెచ్చుకుంది. తన ఓన్‌ వాయిస్‌, బోల్డ్‌ యాక్టింగ్‌ తో అభిమానులను ఆకట్టుకుంటుంది. ప్రస్తుతం తమిళ సినిమాలు మాత్రమే కాకుండా పెద్ద ఎత్తున తెలుగు సినిమాలు కూడా చేస్తూ ఆమె బిజీగా ఉంది.
సినిమాలతో బిజీ గా ఉన్నవరలక్ష్మి నికోలాయ్ అనే గ్యాలరిస్టుతో ప్రేమలో ఉన్న వరలక్ష్మి అతనితో నిశ్చితార్థం కూడా చేసుకుంది. ఇక నిజానికి ఇలా ఎంగజ్మెంట్ ఆమె ప్రకటిస్తుందని చాలా మంది ఊహించలేదు. అయితే ఆమె ఇలా అనౌన్స్ చేసి అందరికీ షాక్ ఇచ్చింది. అయితే ఇంకా పెళ్లి జరగని తరుణంలో నికోలాయ్ వరలక్ష్మికి ఖరీదైన బహుమతిని ఇచ్చాడని తెలుస్తోంది. నికోలాయ్ వరలక్ష్మి కోసం ముంబైలో మొత్తం రెండు బంగ్లాలు కొనుగోలు చేసినట్లు సమాచారం. బంగ్లాలలో అన్ని విలాసవంతమైన సౌకర్యాలు ఉన్నాయని వాటి ధర కొన్ని కోట్ల రూపాయలు ఉంటుందని కూడా చెబుతున్నారు.
ఇక సినిమాల విషయానికి వస్తే వరలక్ష్మీ శరత్ కుమార్ ప్రధాన పాత్ర పోషించిన సినిమా ‘శబరి’. ఈ చిత్రాన్ని మహర్షి కూండ్ల సమర్పణలో మహా మూవీస్ పతాకంపై మహేంద్రనాథ్ కూండ్ల నిర్మించగా దర్శకుడు బి గోపాల్, ఏఎస్ రవికుమార్ చౌదరి, మదన్ దగ్గర పలు చిత్రాలకు పని చేసిన అనిల్ కాట్జ్ ‘శబరి’ సినిమాతో దర్శకుడిగా పరిచయం అవుతున్నారు.
