గ్లోబల్‌ స్టార్ రామ్‌ చరణ్‌ మెయిన్‌ లీడ్‌ లో నటిస్తుండగా..స్టార్ డైరెక్టర్ శంకర్‌ కాంబోలో తెరకెక్కుతున్న సినిమా గేమ్ ఛేంజర్‌. ఈ సినిమాలో చరణ్‌ సరసన బాలీవుడ్‌ బ్యూటీ కియారా అద్వానీ కథానాయికగా చేస్తుంది.
శంకర్‌ తెరకెక్కించిన భారతీయుడు 2 రిలీజ్ కావడంతో చిత్రాన్ని వీలైనంత త్వరగా థియేటర్ల లోకి తీసుకు వచ్చేందుకు చిత్ర బృందం సన్నాహాలు మొదలుపెట్టింది. అయితే ఈ చిత్రం విడుదల పై ఇప్పుడు లేటెస్ట్ టాక్‌ ఏమిటంటే, డిసెంబర్ నెలను టార్గెట్ చేసినట్లు సమాచారం.
పుష్ప 2 ది రూల్ చిత్రం వాయిదా పడితే, అదే డేట్ కి గేమ్ చేంజర్ వచ్చే అవకాశాలు చాలా కనిపిస్తున్నాయి. డిసెంబర్ నెలకే సినిమాను విడుదల చేయాలని చిత్ర బృందం భావిస్తున్నట్లు సమాచారం. దీనిపై చిత్ర బృందం నుండి క్లారిటీ రావాల్సి ఉంది. ప్రముఖ టాలీవుడ్ నిర్మాత అయిన దిల్ రాజు నిర్మాతగా వ్యవహరిస్తున్న ఈ భారీ బడ్జెట్ చిత్రానికి మ్యూజికల్ సెన్సేషన్ థమన్ సంగీతం అందిస్తున్న సంగతి తెలిసిందే. ఈ చిత్రం పై ప్రేక్షకుల్లో, అభిమానుల్లో ఇప్పటికే భారీ అంచనాలు ఉన్నాయి.
