ఐకాన్‌ స్టార్‌ అల్లు అర్జున్ హీరోగా నటిస్తున్న తాజా సినిమా పుష్ప 2. డైరెక్టర్‌ సుకుమార్ కాంబోలో అత్యంత ప్రతిష్మాత్మకమైన పాన్‌ ఇండియా సినిమాగా ఈ సినిమాని మైత్రీ మూవీ మేకర్స్ అసోసియేషన్‌ విత్‌ సుకుమార్ రైటింగ్స్‌ బ్యానర్స్‌పై నవీన్‌ ఎర్నేని, వై. రవిశంకర్‌ సంయుక్తంగా నిర్మిస్తున్నారు. ఈ సినిమాని డిసెంబర్ 6న ప్రపంచవ్యాప్తంగా ప్రేక్షకుల ముందుకు తీసుకురానున్నారు. అయితే ఈ చిత్రానికి సంబంధించి ఈ చిత్రంలో కీలక పాత్రను పోషిస్తున్న ఫహాద్ ఫాజిల్ క్యారెక్టర్‌కు సంబంధించిన పోస్టర్‌ను గురువారం ఫహాద్ ఫాజిల్ పుట్టినరోజు సందర్భంగా మూవీ టీమ్‌ విడుదల చేసింది.
బన్వర్‌ సింగ్‌ షెకావత్‌గా పుష్ప ది రైజ్‌లో ఆకట్టుకున్న ఫహాద్ ఈ సినిమాలో అంతకు మించి ఆడియన్స్‌ను ఆకట్టుకోబోతున్నాడు. గళ్ళ లుంగీ ధరించి.. ఒక చేతిలో గన్‌తో…మరో చేతిలో గొడ్డలితో ఫహాద్ ఈ పోస్టర్‌లో చాలా ఇంట్రస్ట్‌ గా కనిపిస్తున్నాడు. ఈ పోస్టర్‌ సోషల్ మీడియాలో వైరల్‌గా మారింది. ఇక ఇప్పటి వరకు ఈ సినిమాకి సంబంధించిన విడుదలైన ప్రమోషన్‌ కంటెంట్‌ అంతా అందరిలోనూ అంచనాలు పెంచేలా ఉన్నాయి. టీజర్‌తో పాటు విడుదలైన రెండు పాటలకు కూడా ప్రేక్షకుల నుంచి అనూహ్య స్పందన వచ్చింది.
రోజురోజుకు అంచనాలు పెంచుకుంటూ పోతున్న ఈ సినిమా గురించి ప్రపంచవ్యాప్తంగా ప్రేక్షకులు ఎంతగానో ఎదురుచూస్తున్నారు. కాగా ప్రస్తుతం ఈ సినిమా షూటింగ్‌ ఆర్‌ఎఫ్‌సీలో భారీ వ్యయంతో వేసిన సెట్‌లో చాలా లావిష్‌గా జరుగుతుంది. ప్రస్తుతం పతాక సన్నివేశాలు అత్యంత అద్బుతంగా చిత్రీకరించే పనిలో ఉన్నారు. హీరోతో పాటు సినిమాలోని కీలక నటులు కూడా పాల్గొంటున్నారు.
సినిమాకు ఈ సన్నివేశాలు ఎంతో హైలైట్‌గా ఉండబోతున్నాయని అంటున్నారు. అంతేకాదు రేపు థియేటర్‌లో ఈ పతాక సన్నివేశాలు గూస్‌ బంప్స్‌ వచ్చే విధంగా ఉంటాయని అంటున్నారు. ఇక మరోపక్క రజనీకాంత్ నటిస్తున్న వేట్టయాన్ సినిమాలో ఫహాద్ ఫాజిల్ కీలకపాత్రలో నటిస్తున్నారు. ఫహాద్ ఫాజిల్ పుట్టినరోజు సందర్భంగా వేట్టయాన్ మేకర్స్ ఒక ఆసక్తికరమైన ఫొటో పంచుకున్నారు. బర్త్ డే బాయ్ ఫాజిల్ ఇద్దరు సూపర్ స్టార్లు రజినీకాంత్, అమితాబ్ బచ్చన్ లతో కలిసి ఉన్న ఫోటోను చిత్రబృందం షేర్ చేసింది.
