కోలీవుడ్‌ స్టార్ డైరెక్టర్‌ ఏఆర్‌ మురుగదాస్‌ ప్రస్తుతం వరుస సినిమాలు చేస్తూ ఫుల్‌ బిజీగా ఉన్నారు. ఆయన చేస్తున్న సినిమాల్లో బాలీవుడ్‌ నటుడు సల్మాన్‌ ఖాన్‌ తో చేసే సినిమా సికిందర్‌ ఒకటి. ఈ సినిమా గురించే ఇటీవలే అధికారిక ప్రకటన బయటకు వచ్చింది. ఈ సినిమాలో రష్మిక కథానాయికగా చేస్తున్నట్లు సమాచారం.
ఈ సినిమా భారీ యాక్షన్ సన్నివేశంతో ఈ సినిమా చిత్రీకరణ జూన్‌ 18న ముంబైలో మొదలు కానుంది. సముద్ర మట్టానికి 33 వేల అడుగుల ఎత్తులో విమానంలో భయపెట్టే యాక్షన్ సన్నివేశాన్ని మేకర్స్‌ చిత్రీకరించబోతున్నారు. ఈ సినిమాని సాజిత్ నడియాడ్‌వాలా నిర్మిస్తున్నారు.
ఈ సన్నివేశం ఈ సినిమాకే కీలకమని చిత్ర బృందం తెలిపింది. రష్మిక ప్రస్తుతం పుష్ప 2 సినిమాతో బిజీగా ఉంది. ఆమె బిజీ షెడ్యూల్‌ పూర్తి కాగానే ఆమె కూడా ఈ సినిమా చిత్రీకరణలో పాల్గొననున్నట్లు సమాచారం.
