టాలీవుడ్‌ యంగ్ బ్యూటీ నివేదా థామ‌స్ న‌టిస్తున్న లేటేస్ట్‌ చిత్రం ’35-చిన్న క‌థ కాదు’ . ఈ మూవీ నుంచి విడుదలైన గ్లింప్స్‌ ఇప్ప‌టికే ప్రేక్షకుల్లో మంచి బ‌జ్ ను క్రియేట్ చేసింది. ఈ సినిమాను రానా ద‌గ్గుబాటి ప్రొడ్యూస్ చేస్తుండ‌టంతో ఈ మూవీపై మరిన్ని అంచనాలు పెరిగాయి. దీంతో ప్రేక్షకుల్లో సినిమా మీద ఓ పాజిటివ్‌ వైబ్‌ వచ్చింది.
అయితే, ఈ సినిమా నుంచి తాజాగా ఫ్రెండ్ షిప్ యాంథెమ్ ప్రొమోను చిత్ర బృందం విడుదల చేసింది. స్నేహితుల దినోత్సవం కానుకగా ఈ పాటను ఆగస్టు 4 న విడుదల చేయనున్నట్లు చిత్ర బృందం ప్రకటించింది. ఈ పాట‌లో స్కూల్ ఫ్రెండ్స్ మ‌ధ్య సాగే స్నేహాన్ని మ‌న‌కు చూపించబోతున్నట్లు ఈ ప్రోమో చూస్తే తెలుస్తుంది.
ఇక ఈ సినిమాలో నటుడు విశ్వ, ప్రియ‌ద‌ర్శి ఇతర ముఖ్య పాత్ర‌ల్లో యాక్ట్‌ చేస్తున్న సంగతి తెలిసిందే. ఈ సినిమాకు వివేక్ సాగ‌ర్ సంగీతం అందిస్తుండ‌గా నంద కిషోర్ ఈమ‌ని ఈ సినిమాని డైరెక్ట్ చేస్తున్నారు. ఈ చిత్రాన్ని ఆగస్టు 15న విడుదల చేసేందుకు మూవీ మేక‌ర్స్ విడుదల చేస్తున్నారు.
