టాలీవుడ్‌ చందమామ కాజల్ గురించి ప్రత్యేకంగా చెప్పాల్సిన అవసరం లేదు. తెలుగులో వరుసగా స్టార్‌ హీరోలందరి సరసన నటించి ఎన్నో సూపర్‌ హిట్లను తన ఖాతాలో వేసుకుని ముందుకు దూసుకుపోతుంది. పెళ్లి, పిల్లలు తరువాత రెండో ఇన్నింగ్స్ మొదలు పెట్టి ఫుల్‌ స్వింగ్‌ లో ఉంది. సెకండ్‌ ఇన్నింగ్స్ మొదలు పెట్టడమే నందమూరి నటసింహం బాలయ్య బాబుతో భగవంత్ కేసరి చేసింది.
ఆ సినిమా సూపర్‌ హిట్‌ కావడంతో వరుస సినిమా ఆఫర్లను లైన్లో పెట్టింది. తాజాగా ఈ భామ నటిస్తున్న లేటెస్ట్ లేడీ ఓరియెంటెడ్ మూవీ “సత్యభామ”.ఈ సినిమా జూన్ నెల 7 న గ్రాండ్ గా విడుదల కానుంది.దీనితో చిత్ర యూనిట్ వరుసగా ప్రమోషన్స్ లో పాల్గొంటుంది. తాజాగా ఓ ఇంటర్వ్యూ లో పాల్గొన్న కాజల్ అభిమాని వల్ల తనకు ఎదురైనా చేదు అనుభవాన్ని తెలియజేసింది.
కొంతకాలం క్రితం ఓ సినిమా షూటింగ్‌లో పాల్గొన్నాను. మొదటి రోజు షూటింగ్ ముగిసింది. నేను నా కేరవాన్‌లోకి వెళ్లిపోయాను. ఇంతలో ఆ సినిమాకు అసిస్టెంట్‌ డైరెక్టర్‌ గా పని చేస్తున్న ఓ వ్యక్తి నా అనుమతి లేకుండా నా దగ్గరకు వచ్చి తన షర్ట్ విప్పేసాడు. అది చూసి నేను ఒక్కసారిగా షాక్ అయ్యాను.అతను షర్ట్ విప్పి తన గుండెలపై నా పేరును పచ్చబొట్టు వేయించుకున్నానని చూపించాడు.
అయితే అది చూసి నేను భయపడిపోయాను. నాపై అభిమానం చూపించడం నాకు ఆనందం కలిగించింది కానీ నేను అలా ఒంటరిగా ఉన్నప్పుడు అలా వచ్చి ప్రవర్తించడం నాకు నచ్చలేదు. వెంటనే ఇలా ఎప్పుడు చేయొద్దని అతడిని మందలించినట్లు కాజల్ వివరించింది.
