పాన్ ఇండియా స్టార్ హీరో ప్ర‌భాస్ రీసెంట్ గా నటించి ‘క‌ల్కి 2898 AD’తో బాక్సాఫీస్ ద‌గ్గ‌ర భారీ బ్లాక్ బ‌స్ట‌ర్ హిట్ ను అందుకున్న సంగతి తెలిసిందే. ఈ సినిమాను ద‌ర్శ‌కుడు నాగ్ అశ్విన్ సైఫై మైథాల‌జి మూవీగా తెర‌కెక్కించిన తీరు అభిమానుల‌ను ఎంతగానో ఆక‌ట్టుకుంది. అయితే, ఇప్పుడు ప్ర‌భాస్ త‌న నెక్ట్స్ ప్రాజెక్టుల‌పై ఫుల్‌ ఫోక‌స్ పెట్టాడు.
ఇప్పటికే ”ది రాజా సాబ్” సినిమాని రెడీ చేస్తోన్న ప్ర‌భాస్, ద‌ర్శ‌కుడు సందీప్ రెడ్డి వంగ డైరెక్ష‌న్ లో ”స్పిరిట్” అనే సినిమాని రూపొందించబోతున్న సంగతి తెలిసిందే. ఈ సినిమాకు సంబంధించి రోజుకో వార్త నెట్టింట వైర‌ల్ గా మారింది. ఇప్పటికే కొరియ‌న్ న‌టుడు డోంగ్ లీ ఈ సినిమాలో విల‌న్ పాత్ర‌లో న‌టిస్తాడ‌నే టాక్‌ ఎప్పటి నుంచో వినిపిస్తుంది. ఇప్పుడు ఈ సినిమాలో హీరోయిన్ గా అందాల భామ త్రిష న‌టించ‌బోతుంద‌ని ఇండస్ట్రీలో టాక్‌.
గ‌తంలో ప్ర‌భాస్ తో ఏకంగా మూడు సినిమాలు చేసిన త్రిష, ఇప్పుడు నాలుగోసారి ఆయ‌న‌తో జోడీ క‌ట్ట‌నుంద‌ట. ఈ పెయిర్ అయితే బొమ్మ బ్లాక్ బ‌స్ట‌ర్ అవ‌డం గ్యారంటీ అని అభిమానులు కూడా భావిస్తున్నారు. మరి నిజంగానే ”స్పిరిట్” మూవీలో త్రిష హీరోయిన్ గా న‌టిస్తుందా లేదా అనే దాని మీద అయితే మాత్రం చిత్ర బృందం అఫీషియ‌ల్ గా అనౌన్స్ చేసే వ‌ర‌కు వెయిట్ చేయాల్సిందే మరి.
