కళాకారులు, నాటకాల నేపథ్యంలో రెజీనా కసాండ్రా, దిలీప్ ప్రకాశ్‌ జంటగా నటిస్తున్న తాజా సినిమా ఉత్సవం. అర్జున్‌ సాయి డైరెక్షన్‌ చేశారు. హార్న్ బిల్ పిక్చర్స్ పతాకంపై సురేష్ పాటిల్ నిర్మించారు. ప్రకాష్ రాజ్, నాజర్, రాజేంద్ర ప్రసాద్, బ్రహ్మానందం, అలీ, ‘రచ్చ’ రవి, రఘుబాబు, ప్రియదర్శి తదితరులు కీలక పాత్రల్లో ఈ సినిమాలో నటించారు.
షూటింగ్, పోస్ట్ ప్రొడక్షన్ పనులు కంప్లీట్ అయ్యాయి. ఈ సినిమా విడుదలకు రెడీగా ఉంది. త్వరలో ప్రేక్షకుల ముందుకు తీసుకు రావడానికి సన్నాహాలు చేస్తున్నారు. అంతరించిపోతున్న నాటక రంగం, కళాకారుల గొప్పతనాన్ని చాటి చెప్పేలా ఈ మూవీని రూపొందించారు. ఇప్పటికే విడుదలైన ఈ సినిమా టీజర్, పాటలు సినిమా మీద మంచి క్యూరియాసిటీని క్రియేట్‌ చేశాయి.
తాజాగా మూవీ మేకర్స్ విడుదల తేదీని ప్రకటించారు. సెప్టెంబర్ 13న ఈ సినిమా విడుదల అవ్వబోతుంది. మైత్రీ మూవీ డిస్ట్రిబ్యూటర్స్ ద్వారా ఈ సినిమా ఏపీ, తెలంగాణలో గ్రాండ్ గా విడుదల కాబోతున్నట్లు సమాచారం. ‘ఉత్సవం’ లవ్, ఎమోషన్స్, భావోద్వేగాలు వినోదంతో కూడిన కంప్లీట్ ఫ్యామిలీ ఎంటర్‌టైనర్ సినిమా . ఈ చిత్రానికి ప్రముఖ సాంకేతిక నిపుణులు పని చేస్తున్నారు. రసూల్ ఎల్లోర్ సినిమాటోగ్రఫీ అందిస్తున్నారు. అనూప్ రూబెన్స్ సంగీతం అందిస్తున్నారు.
