యంగ్ టైగర్‌ ఎన్టీఆర్, బాలీవుడ్‌ స్టార్‌ హీరో హృతిక్ రోషన్ కాంబోలో వసత్ఉన్న బిగ్గెస్ట్ మూవీ వార్ 2. ఈ సినిమాను బాలీవుడ్‌ డైరెక్టర్ అయాన్‌ ముఖర్జీ తెరకెక్కిస్తున్న విషయం తెలిసిందే. వైఆర్‌ఎఫ్‌ బ్యానర్లో ఆదిత్య చోప్రా ఈ భారీ బడ్జెట్ సినిమాని నిర్మిస్తున్నారు. ఈ సినిమాని వచ్చే ఏడాది ఆగస్ట్‌ 14న విడుదల చేస్తామని చిత్ర బృందం ప్రకటించిన విషయం తెలిసిందే.
తాజాగా ఈ సినిమా షూటింగ్‌ లో తారక్‌ కూడా జాయిన్‌ అయ్యాడు. పది రోజుల పాటు జరిగిన తాజా షెడ్యూల్ లో ఎన్టీఆర్ మరియు హృతిక్ రోషన్ ఫై కొన్ని యాక్షన్ సీక్వెన్స్ తెరకెక్కించారు. ఈ సినిమాలో ఎన్టీఆర్ రా ఏజెంట్ గా కనిపిస్తాడని చిత్ర బృందం ప్రకటించిన విషయం తెలిసిందే. అయితే ఇప్పుడు ఈ మూవీకి సంబంధించిన ఓ ఇంట్రెస్టింగ్ న్యూస్ సోషల్ మీడియాలో వైరల్ గా మారింది.
వార్ 2 సినిమా బిగ్గెస్ట్ యాక్షన్ అండ్ స్పై థ్రిల్లర్గా తెరకెక్కుతుంది .’వార్ 2′ సినిమా కోసం హాలీవుడ్ యాక్షన్ డైరెక్టర్ రంగంలోకి దిగనున్నట్లు సమాచారం.అమెరికన్ యాక్షన్ డైరెక్టర్ అయినా స్పిరో రాజటోస్ వార్ 2 సినిమాకు యాక్షన్ డైరెక్టర్ గా పని చేయనున్నారని సమాచారం. స్పిరో రాజటోస్ ‘కెప్టెన్ అమెరికా సివిల్ వార్’ వంటి చిత్రాలకు స్టంట్ డైరెక్టర్ గా వర్క్ చేశారు.
ఇప్పుడు వార్ 2కి పనిచేస్తున్నట్టు తెలుస్తుంది. ‘వార్ 2’కి సంబంధించిన యాక్షన్ ఎపిసోడ్స్ అన్ని కూడా ఆయనే రూపొందిస్తున్నట్లు సమాచారం.”వార్ ” మొదటి పార్ట్ లో వచ్చే యాక్షన్ సీన్స్ కంటే వార్ 2 యాక్షన్ సీన్స్ అంతకు మించి ఉండనున్నాయని చిత్ర బృందం వెల్లడించిన సంగతి తెలిసిందే.
