టాలీవుడ్‌ రౌడీ హీరో విజయ్‌ దేవరకొండ కథానాయకుడిగా, మృణాల్ ఠాకూర్‌ హీరోయిన్‌ గా పరుశురాం దర్శకత్వంలో తెరకెక్కుతున్న చిత్రం ఫ్యామిలీ స్టార్ . ఈ చిత్రం మరో వారం రోజుల్లో ప్రేక్షకుల ముందుకు రాబోతుంది. తాజాగా ఈ చిత్రం నుంచి వచ్చిన పాటలకు కూడా మంచి పేరు వచ్చింది.
సినిమా విడుదల దగ్గర పడుతున్న సమయంలో చిత్రం నుంచి ఫైనల్‌ గా ట్రైలర్ ని విడుదల చేశారు. తాజాగా విడుదలైన ట్రైలర్ ప్రేక్షకులకు కొంచెం డిఫరెంట్ గా అనిపించింది. కానీ ఫుల్ ఎంటర్‌టైనింగ్ గా ఉందని చెప్పవచ్చు. ఓ పక్క ఫ్యామిలీ మ్యాన్‌ గా , మరో పక్క లుంగీలో కనిపించి తన డిఫరెంట్ మార్క్‌ చూపించాడు.
ఈ క్రమంలోనే మృణాల్ తో కొన్ని సీన్స్‌ కూడా బాగానే అనిపించాయి. కొన్ని ఫ్యామిలీ సీన్స్‌ ఆకట్టుకునేట్లు ఉన్నాయి. అలాగే మంచి మాస్‌ మూమెంట్స్ కూడా ఉన్నాయి. ఇటు మ్యూజిక్‌ కూడా చాలా రిచ్ గా ఉన్నాయి. మొత్తానికి ఫ్యామిలీ స్టార్ మాత్రం చాలా డిఫరెంట్ గా ఉందనే చెప్పాలి. ఈ సినిమా తెలుగుతో పాటు హిందీ, తమిళంలో కూడా రిలీజ్ అవుతోంది.
