ప్రస్తుతం టాలీవుడ్‌ పాన్ వరల్డ్ స్థాయిలో కూడా భారీ అంచనాలు ఏర్పడుతున్న సినిమా ఏదైనా ఉందంటే, అది మహేష్ బాబు, రాజమౌళి కాంబినేషన్‌లో తెరకెక్కుతున్న ప్రాజెక్ట్ అని చెప్పొచ్చు. ఈ కాంబోపై మిగతా దేశాల్లోనే కాదు, విదేశాల్లో కూడా ఆసక్తి పెరుగుతోంది. ఎందుకంటే ఇది రెగ్యులర్ కమర్షియల్ సినిమా కాదని, ఓ స్పెషల్ అడ్వెంచర్‌గా రూపొందుతోందని టాక్.
ఇప్పటికే మూడు షెడ్యూల్స్ పూర్తయి, ప్రస్తుతం షూటింగ్ నెమ్మదిగా కానీ కాంటిన్యూగా సాగుతోందట. రాజమౌళి సినిమాలంటేనే ఊహించలేనంత భారీ సెట్టింగులు, గ్రాండ్ విజువల్స్ అనేవి కామన్. ఇప్పుడు మహేష్ బాబుతో చేస్తున్న ఈ ప్రాజెక్ట్ కోసం కూడా అలాంటి భారీ ప్లానింగ్‌నే పెట్టారట.
ఇందులో భాగంగా వారణాసి నేపథ్యంలో ఓ సెట్‌ను ఏకంగా 50 కోట్ల బడ్జెట్‌తో నిర్మిస్తున్నట్టు ఫిల్మ్ నగర్‌ వర్గాల్లో వినిపిస్తోంది. సినిమా ఎక్కువ భాగం షూటింగ్ ఇక్కడే జరగనుండటంతో, ఈ సెటప్‌కి ప్రత్యేకమైన ప్రాధాన్యత ఇస్తున్నారట. ఇది ఇప్పటివరకు భారతీయ చిత్ర పరిశ్రమలో వేసిన మోస్ట్ ఎక్స్‌పెన్సివ్ సెట్లలో ఒకటిగా నిలవనుందట.
రాజమౌళి గతంలో బాహుబలి, ఆర్ఆర్ఆర్ వంటి సినిమాల్లో చూపించిన కొత్త ప్రపంచాల్లాగే, ఈ సినిమాలో కూడా విభిన్నమైన లొకేషన్ ఫీల్ ఇవ్వడానికి ప్రయత్నిస్తున్నారని సమాచారం. మహేష్ బాబు ఫస్ట్ టైమ్ ఇలా కొత్త జానర్‌లో కనిపించబోతుండటంతో ఆయన ఫ్యాన్స్‌తో పాటు మూవీ లవర్స్ అందరూ ఆసక్తిగా ఎదురుచూస్తున్నారు.
ఇంత భారీ ప్రాజెక్ట్‌కు సంబంధించి ఒక్కో అప్‌డేట్ బయటకు వస్తున్న కొద్దీ, ప్రేక్షకుల్లో క్యూరియాసిటీ ఇంకా పెరుగుతోంది. గ్రాఫిక్స్, విజువల్స్, లొకేషన్స్ అన్నీ మిళితమై స్క్రీన్‌పై ఓ అద్భుత అనుభూతిని అందించబోతున్నట్టు ఫీలవుతోంది.
