గ్లోబల్‌ స్టార్ రామ్‌ చరణ్ పుట్టిన రోజు సందర్భంగా గేమ్‌ ఛేంజర్ మూవీ నుంచి అదిరిపోయే అప్డేట్‌ వచ్చింది. ఈ సినిమాను కోలీవుడ్‌ స్టార్ డైరెక్టర్ శంకర్ తెరకెక్కిస్తున్నారు. ఈ సినిమా పొలిటికల్ యాక్షన్‌ పాన్ ఇండియా ఎంటర్‌ టైనర్‌ గా తెరకెక్కుతుంది. ఈ చిత్రానికి తమన్ సంగీతం అందిస్తున్నారు.
బుధవారం చరణ్ బర్త్‌ డే సందర్భంగా మూవీ నుంచి ఫస్ట్‌ సాంగ్ విడుదలై అప్పుడే మంచి టాక్ ని అందుకుంది. సాంగ్ విడుదల కావడంతో సినిమా విడుదల గురించి అభిమానులు తెగ ఎదురు చూస్తున్నారు. తాజాగా ఈ సినిమాకి సంబంధించి విడుదల తేదీ ఫిక్స్ అయినట్లు సమాచారం. ఈ చిత్రాన్ని అక్టోబర్‌ 31న వరల్డ్‌ వైడ్‌ గా గ్రాండ్ గా రిలీజ్‌ చేసేందుకు చిత్ర బృందం సన్నాహాలు చేస్తున్నట్లు తెలుస్తుంది.
త్వరలో దీనికి సంబంధించిన విషయం గురించి చిత్ర బృందం నుంచి అధికారిక ప్రకటన కూడా రానున్నట్లు సమాచారం.
