నందమూరి నటసింహం బాలకృష్ణ హీరోగా దర్శకుడు బోయపాటి శ్రీను దర్శకత్వంలో తెరకెక్కిన హ్యాట్రిక్ సెన్సేషనల్ హిట్ చిత్రం “అఖండ” కోసం అందరికీ తెలిసిందే. తెలుగు సినిమా దగ్గర ఒక బిగ్గెస్ట్ హిట్ అయ్యిన సినిమాల్లో భారీ లాంగ్ రన్ ని ఈ చిత్రం చూసింది. అయితే దీనికి సీక్వెల్ గా మేకర్స్ “అఖండ 2 తాండవం”ని ప్లాన్ చేస్తున్న సంగతి తెలిసిందే.
ఇక ఈ సినిమా షూటింగ్ శరవేగంగా జరుగుతుండగా ఓ ఇంట్రెస్టింగ్ టాక్ దీనిపై ఇపుడు వినిపిస్తుంది. దీని ప్రకారం అఖండ 2 షూటింగ్ ని మేకర్స్ పక్కా ప్లానింగ్ గా కంప్లెట్ చేస్తున్నారట. పార్ట్ 1 లో బాలయ్య డ్యూయల్ రోల్ లో చేసిన సంగతి తెలిసిందే. అలాగే ఇవి పార్ట్ 2 లో కూడా కొనసాగనున్నాయి. అయితే మొదటిగా మేకర్స్ అఘోర గెటప్ లో టాకీ పార్ట్ మొత్తాన్ని కంప్లీట్ చేసేస్తున్నారట.
ఇక ఇది అయ్యాక బాలయ్య లోని మరో షేడ్ షూటింగ్ ని మొదలు పెట్టనున్నారట. ఈ షూటింగ్ తో జూన్ నాటికి మొత్తం సినిమాని పూర్తి చేసేయాలని మేకర్స్ టార్గెట్ పెట్టుకున్నట్టుగా తెలుస్తుంది. దీనితో అఖండ 2 మాత్రం అనుకున్నట్టు గానే సెప్టెంబర్ రిలీజ్ కి రానుందట. ఇక ఈ సినిమాకి థమన్ సంగీతం అందిస్తుండగా 14 రీల్స్ వారు నిర్మాణం వహిస్తున్న సంగతి తెలిసిందే.
