యంగ్‌ రెబల్‌ స్టార్‌ ప్రభాస్‌ తాజాగా నటించిన కల్కి 2898 ఏడీ సినిమా బాక్సాఫీస్‌ వద్ద మంచి రికార్డులు సృష్టిస్తుంది. ప్రభాస్‌ అభిమానులు ఎంతగానో ఎదురు చూసిన సినిమా లవర్స్‌ ను ఎంతగానో ఆకట్టుకుంది. ఈ సినిమాలో ప్రభాస్‌ తో పాటు ఇతర నటీనటుల నటనకు అభిమానులు ఫిదా అవుతున్నారు. ఈ సినిమాలో ప్రభాస్‌ ఎంతో అద్భుతంగా ఉన్నాడు.
ఇక సినిమా విడుదల అయిన కొద్ది గంటలకు డైరెక్టర్ నాగ్ అశ్విన్ తన సోషల్ మీడియా ఖాతాలో సినిమా కోసం పడ్డ కష్టాన్ని ఒకే ఒక్క పోస్ట్ ద్వారా వివరించాడు. ఈ మేరకు తన ఇన్‌స్టా స్టోరీలో అరిగిన, విరిగిన చెప్పుల ఫోటోను పంచుకున్నారు. ఈ సినిమా ఎంతో సుదీర్ఘ ప్రయాణం. ఈ సినిమా చేయడానికి చాలా సంవత్సరాలు కష్టపడ్డామని పేర్కొన్నాడు.
దీంతో నాగ్ అశ్విన్ పెట్టిన ఈ పోస్ట్ నెట్టింట వైరల్ అవ్వగా.. దీన్ని చూసిన నెటిజన్స్ డైరెక్టర్ డెడికేషన్ చూసి హ్యాట్సాఫ్ చెబుతున్నారు. అంతేకాకుండా నాగ్ అశ్విన్ ను ఇండియన్ సినిమాకి ఫ్యూచర్ హాలీవుడ్ డైరెక్టర్ అంటూ ప్రశంసలు కురిపిస్తున్నారు. కాగా ఈ సినిమా కోసం మూవీ టీమ్ అంతా నాలుగేళ్లు కష్టపడ్డారు. సుమారు రూ. 600 కోట్ల బడ్జెట్‌తో రూపొందిన ఈ సినిమాలో దీపికా పదుకొణె, కమల్‌హాసన్‌, అమితాబ్‌ బచ్చన్‌ ప్రధాన పాత్రలు పోషించారు. మొదటి ఆట నుంచే పాజిటివ్ రెస్పాన్స్ సొంతం చేసుకున్న ఈ మూవీ తొలిరోజు రూ.90-100 కోట్ల వసూళ్లు రాబట్టే అవకాశం ఉందని టాక్‌ వినిపిస్తుంది.
