మాస్‌ యాక్షన్ డైరెక్టర్‌ పూరి జగన్నాధ్ డైరెక్టర్గా ఎనర్జీటిక్ స్టార్ రామ్ పోతినేని హీరోగా వస్తోన్న తాజా సినిమా డబుల్ ఇస్మార్ట్. గతంలో వీరి కాంబోలో వచ్చిన ఇస్మార్ట్ శంకర్ బాక్సాఫీస్ వద్ద ఘన విజయం అందుకోగా.. ఆ చిత్రానికి కొనసాగింపుగా తెరకెక్కించిన సినిమానే డబుల్ ఇస్మార్ట్. ఇటీవల విడుదలైన ఈ చిత్ర టీజర్ కు విశేష స్పందన వచ్చింది. ఇండిపెండెన్స్ డే కానుకగా ఆగస్టు 15న వరల్డ్ వైడ్ ఈ చిత్రం థియేటర్లలోకి రానుంది.
కాగా డబుల్ ఇస్మార్ట్ థియేట్రికల్ రైట్స్ భారీ ధరకు అమ్ముడుపోయాయి. తొలుత ఏరియాల వారిగా రైట్స్ సేల్ చేయాలని నిర్మాతలు అనుకున్నారు. కానీ పూరి జగన్నాధ్ గత చిత్రం లైగర్ కు సంబంధించి నిర్మాతలకు డిస్టిబ్యూటర్లకు మధ్య ఇప్పటికి కొంతదూరం నడుస్తుంది. దీంతో డబుల్ ఇస్మార్ట్ రైట్స్ అవుట్ రేట్ సేల్ చేసేందుకు ప్రొడ్యూసర్‌ ఛార్మి ఆసక్తి చూపిస్తున్నారు.
కాగా డబుల్ ఇస్మార్ట్ థియేట్రికల్ రైట్స్ ను ప్రైమ్ షో ఎంటర్టైన్మెంట్స్ దక్కించుకుంది. నిర్మాత నిరంజన్ రెడ్డి వరల్డ్ వైడ్ థియేట్రికల్ రైట్స్ ను రూ. 54కోట్లకు కొనుగోలు చేసారు. లైగర్ లాంటి డిజాస్టర్ తర్వాత పూరి సినిమా అంత రేట్ పలకడం అంటే కేవలం రామ్, పూరీల కాంబో క్రేజ్ అనే తెలుస్తుంది. ఇస్మార్ట్ శంకర్ డిస్ట్రిబ్యూటర్లకు, నిర్మాతలకు మంచి లాభాలు తెచ్చిపెట్టింది.
కేవలం థియేట్రికల్ రైట్స్ తోనే డబుల్ రూ.54 కోట్లు పలికిందంటే ఓటీటీ, శాటిలైట్ రైట్స్ ఇంకా ఉండనే ఉన్నాయి. అవి కూడా భారీ ధర పలికే అవకాశం ఉండడంతో నిర్మాత పూరి, ఛార్మీలకు కాస్త గట్టిగానే గిట్టుబాటు అవుతున్నట్లే కనిపిస్తుంది. ఆడియో రైట్స్ ఆదిత్య మ్యూజిక్ కొనుగోలు చేసిన ఈ చిత్రంలోని సెకండ్ లిరికల్ సాంగ్ ఈ రోజు సాయంత్రం 5:08 గంటలకు అభిమానుల ముందుకు రానుంది.
