మరి కొద్ది రోజుల్లో అల్లు అర్జున్‌ పుట్టిన రోజు రాబోతుంది. బన్నీ తాజాగా నటిస్తున్న చిత్రం పుష్ప 2 . ఈ సినిమా పుష్ప సినిమాకి సీక్వెల్‌ గా వస్తున్న సంగతి తెలిసిందే. పుష్ప సినిమా ఎంత పెద్ద హిట్‌ అయ్యిందో అందరికీ తెలిసిందే. అల్లు అర్జున్‌ ని ఈ సినిమా జాతీయ నటుడిగా నిలబెట్టింది.
పుష్ప 2 సినిమాని ఆగస్ట్‌ 15న ప్రపంచవ్యాప్తంగా విడుదల చేయాలని చిత్ర బృందం భావిస్తుంది. ఈ సినిమా నుంచి బన్నీ బర్త్‌ డే రోజున పుష్ప 2 టీజర్‌ ను రిలీజ్‌ చేసేందుకు చిత్ర బృందం ప్లాన్ చేస్తున్నట్లు టాక్‌. అన్ని కుదిరితే బన్నీ పుట్టినరోజు నాడు టీజర్‌ గ్యారంటీ గా విడుదల కానుంది.
ఇది ఇలా ఉంటే బన్నీ , సుకుమార్‌ డైరెక్షన్‌ లో వచ్చి బన్నీకి మంచి యూత్‌ ఫాలోయింగ్‌ ఇచ్చిన సినిమా ఆర్య..దాని సీక్వెల్‌ ఆర్య 2 కూడా వీరి కాంబోలో వచ్చిందే. ఏప్రిల్‌ 7న ఈ సినిమాని రీరిలీజ్‌ చేయడానికి చిత్ర బృందం ప్లాన్ చేస్తున్నట్లు తెలుస్తుంది. దీని గురించి త్వరలోనే క్లారిటీ వచ్చే అవకాశాలున్నాయి.
దీని బట్టి చూస్తే బన్నీ పుట్టినరోజు నాడు అభిమానులకు డబుల్‌ ధమాకా అని చెప్పవచ్చు.
