టాలీవుడ్‌ మాస్ డైరెక్టర్‌ హరీష్ శంకర్- మాస్ మహారాజా రవితేజల మధ్య ఉన్న అనుబంధం గురించి ప్రత్యేకంగా చెప్పాల్సిన అవసరం లేదు. రవితేజకు ఇండస్ట్రీలో మంచి హిట్లను ఇచ్చిన వారిలో హరీష్ కూడా ఒకరు. తాజాగా హరీష్ , రవి కాంబోలో మూడో సినిమాను చేయబోతున్నారు.
‘మిస్టర్’ బచ్చన్ పేరుతో తెరకెక్కుతున్న ఈ సినిమా ప్రస్తుతం చాలా స్పీడ్‌ గా షూటింగ్ జరుపుకుంటోంది. కాగా ఈ మూవీకి సంబంధించి హరీష్ శంకర్ రెగ్యులర్ గా సోషల్ మీడియాలో ఏదో ఒక పోస్ట్ పెడుతూ ఉన్నాడు. ఈక్రమంలోనే తాజాగా మిస్టర్ బచ్చన్ సాంగ్ షూటింగ్ లో రవితేజని ఫోటో తీసి ఆ ఫోటోని సోషల్ మీడియాలో పోస్ట్ చేసి.” ప్రపంచంలో అందరికీ వయసు వస్తుంది.కానీ అన్నయ్యకి తప్ప. కాశ్మీర్ వ్యాలీలో షూటింగ్ జరుగుతుంది. త్వరలోనే హైదరాబాద్ లో దిగుతాం” అంటూ మిస్టర్ బచ్చన్ సినిమా అప్డేట్ ఇస్తూ ఓ వార్తను షేర్ చేశాడు.
అయితే హరీష్ శంకర్ ట్వీట్ కి తాజాగా రవితేజ రిప్లై ఇస్తూ..’ ఓవర్ చేయకురోయ్.. నీ దిష్టే తగిలేలా ఉంది’ అంటూ సరదాగా రిప్లై ఇచ్చాడు. దీంతో రవి ట్వీట్ వైరల్ గా మారింది. ఈ ట్వీట్ చూసిన నెటిజన్స్, రవి అభిమానులు వీళ్లిద్దరి బాండింగ్ పై కామెంట్లు పెడుతున్నారు. అజయ్ దేవగన్ ‘రైడ్’ మూవీకి రీమేక్ గా తెరకెక్కుతున్న ఈ సినిమాని దసరా టైం కి విడుదల చేయాలని ప్లాన్ చేస్తున్నారు.
